எந்த வம்பு தும்புக்கும் போகாமல் மௌனம் காக்கும் ‘சின்ன மோடி’… காவிரி விவகாரத்தில் முதலமைச்சர் விஜய்யை வெளுத்து வாங்கிய ப்ளூ சட்டை மாறன்..!!

காவிரிப் பிரச்சனை தீவிரமடைந்துள்ள சூழலில், இதுகுறித்து தனது எக்ஸ் (X) சமூக வலைதளப் பக்கத்தில் பதிவிட்டுள்ள திரை விமர்சகரும் யூடியூபருமான ப்ளூ சட்டை மாறன், தமிழகத்தின் உரிமைகளுக்காக கடந்த கால திமுக மற்றும் அதிமுக ஆட்சிகளில் பல்வேறு கட்டப் போராட்டங்கள், உண்ணாவிரதங்கள் நடத்தப்பட்டதை நினைவூட்டியுள்ளார். இரு கட்சிகளும் காவிரியின் உரிமைக்காக நீதிமன்றங்களில் வழக்குத் தொடுத்து சட்டப்பூர்வமாக வெற்றிகளைக் கண்டன என்றும், தமிழ்நாட்டை ஆண்ட முதலமைச்சர்கள் மற்றும் ஆளுங்கட்சித் தலைவர்கள் கர்நாடக அரசின் அநீதிக்கு எதிராக வெளிப்படையாகக் கண்டனக் குரல்களைப் பதிவு செய்தனர் என்றும் அவர் சுட்டிக்காட்டியுள்ளார்.

ஆனால், தற்போதைய முதலமைச்சர் விஜய் எவ்வித வம்பு தும்புக்கும் போகாமல், கர்நாடகாவிற்கு எதிராகக் கண்டனம் கூட தெரிவிக்காமல் ‘சின்ன மோடி’ போல முழு மௌனம் காத்து வருகிறார் என்று ப்ளூ சட்டை மாறன் மிகக் காட்டமாகச் சாடியுள்ளார். தமிழக முதலமைச்சரே இந்த விஷயத்தில் அமைதியாக இருக்கும்போது, கர்நாடகாவில் தமிழ்நாட்டிற்கும் தமிழர்களுக்கும் எதிராக எதற்காகத் தொடர்ந்து போராட்டங்கள் நடத்தப்பட்டு வருகின்றன என்ற விசித்திரமான கேள்வியையும் அவர் எழுப்பியுள்ளார். முதலமைச்சர் விஜய்யை நேரடியாக ‘சின்ன மோடி’ என விமர்சித்துள்ள ப்ளூ சட்டை மாறனின் இந்த சமூக வலைதளப் பதிவு, தற்பொழுது அரசியல் வட்டாரத்திலும் சமூக ஊடகங்களிலும் பெரும் விவாதத்தையும் பரபரப்பையும் கிளப்பியுள்ளது.