“உன்னால போன் எடுத்து பேச முடியாதா…?” சமையல் கட்டுல பிஸியா இருந்த மனைவி.. ஆத்திரத்தில் மொபைலை எரித்துவிட்டு கணவன் எடுத்த விபரீத முடிவு.. பதற வைக்கும் பின்னணி..!!

ஜார்க்கண்ட் மாநிலம் கும்லா மாவட்டத்தில் உள்ள சதர் காவல் நிலையப் பகுதிக்குட்பட்ட லாஞ்சி நவாடோலி கிராமத்தில் ஒரு சோகமான சம்பவம் நடந்துள்ளது. மனைவியின் போன் கால் எடுக்காததால் ஏற்பட்ட தகராறில், சிக்கந்தர் கோப் என்ற நபர் தனது கைப்பேசியை தீயில் எரித்துவிட்டு, பின்னர் தூக்கிட்டுத் தற்கொலை செய்து கொண்டார். ஞாயிற்றுக்கிழமை மாலை சிக்கந்தர் தனது மனைவியைத் தொலைபேசியில் தொடர்பு கொண்டபோது, மனைவி சமையல் வேலையில் மும்முரமாக இருந்ததால் போனை எடுக்கவில்லை.

மனைவி போனை எடுக்காதது சிக்கந்தருக்கு கடும் கோபத்தை ஏற்படுத்தியுள்ளது; உடனே அவர் வீடு திரும்பி மனைவியுடன் தகராறில் ஈடுபட்டுள்ளார். வாக்குவாதம் முற்றிய நிலையில், ஆத்திரமடைந்த சிக்கந்தர் தனது மொபைல் போனை நெருப்பில் வீசி எரித்ததுடன், ஒரு அறைக்குச் சென்று உள்ளிருந்து கதவைப் பூட்டிக்கொண்டார். அவர் கோபத்தில் தூங்கச் சென்றிருப்பதாக நினைத்து குடும்பத்தினர் அவரை இரவு முழுவதும் தொந்தரவு செய்யவில்லை.

ஆனால் திங்கட்கிழமை காலையில் அவரை எழுப்பச் சென்ற குடும்பத்தினருக்குப் பெரிய அதிர்ச்சி காத்திருந்தது; சிக்கந்தர் அறையில் தூக்கில் தொங்கிய நிலையில் சடலமாகக் கண்டெடுக்கப்பட்டார். இந்தச் சம்பவம் அப்பகுதியில் பெரும் சோகத்தையும் பரபரப்பையும் ஏற்படுத்தியுள்ளது. இருப்பினும், இவ்வளவு தீவிரமான முடிவை எடுப்பதற்குப் போன் எடுக்காதது மட்டுமே காரணமா அல்லது வேறு ஏதேனும் குடும்பப் பிரச்சனைகள் இருந்ததா என்பது குறித்து இதுவரை முழுமையான தெளிவு கிடைக்கவில்லை.