LATEST NEWS
“அவர் எட்டி எட்டிப் பார்த்தது எனக்குத் தெரியும்” லண்டனில் என்ன நடந்ததுன்னு பார்த்தேன்..? உதயநிதியை அடுத்து தவெக-வை வம்புக்கு இழுக்கும் பிரேமலதா..!!
தமிழக முதல்வர் மற்றும் தவெக தலைவர் சி. ஜோசப் விஜய்யின் லண்டன் பயணம் குறித்து, தேமுதிக பொதுச்செயலாளர் பிரேமலதா விஜயகாந்த் தேர்தல் பரப்புரையில் எழுப்பியுள்ள கடுமையான விமர்சனம் அரசியல் தளத்தில் புதிய விவாதத்தை ஏற்படுத்தியுள்ளது. எதற்காக முதல்வர் லண்டன் சென்றார் என்பது அனைவருக்கும் தெரியும் என்றும், அங்கு அவர் எட்டி எட்டிப் பார்த்ததையும், எதைப் பார்த்தார் என்பதையும் தாம் கண்டதாகப் பிரேமலதா மறைமுகமாகச் சாடியுள்ளார். அதிகாரப்பூர்வ முதலீட்டுப் பயணம் எனக் கூறப்படும் இந்த விசிட்டை, எதிர்க்கட்சிகள் தனிப்பட்ட காரணங்களோடு இணைத்து விமர்சித்து வருகின்றன.
முன்னதாக, தற்போதைய எதிர்க்கட்சித் தலைவரும் திமுக முக்கிய நிர்வாகியுமான உதயநிதி ஸ்டாலினும் விஜய்யின் லண்டன் பயணத்தைக் கடுமையாக விமர்சித்திருந்தார். லண்டனில் நடிகர் அஜித் குமார் பங்கேற்ற கார் பந்தயத்தைக் காணவே முதல்வர் பொதுப் பணத்தில் அங்கு சென்றுள்ளார் என்று திமுக மற்றும் அதன் கூட்டணிக் கட்சிகள் குற்றம் சாட்டின. லண்டனில் நடிகை த்ரிஷா மற்றும் விஜய் இருக்கும் புகைப்படங்கள், வீடியோக்கள் சமூக வலைத்தளங்களில் வைரலானதை அடுத்து, திமுக ஐடி விங் மற்றும் அக்கட்சியின் பிரமுகர்கள் மறைமுகமான அரசியல் சீண்டல்களைத் த்ரிஷாவை மையப்படுத்தித் தொடுத்திருந்தனர்.
இந்தச் சூழலில், தேமுதிக பொதுச்செயலாளர் பிரேமலதாவும் அதே பாணியில் விஜய்யின் லண்டன் பயணத்தைக் குறிவைத்து விமர்சித்திருப்பது அரசியல் வட்டாரத்தில் உற்றுநோக்கப்படுகிறது. எதிர்க்கட்சிகளின் இந்தக் குற்றச்சாட்டுகளுக்கு மறுப்புத் தெரிவித்துள்ள தவெக தரப்பு, இந்த லண்டன் பயணம் முற்றிலும் தமிழகத்திற்கான முதலீடுகளை ஈர்ப்பதற்கான அரசு முறைப் பயணம் என்றும், பிராண்ட் தமிழ்நாடு மேம்பாட்டிற்காக லண்டனில் சக தமிழர்களான அஜித் குமார் உள்ளிட்டோரை முதல்வர் சந்தித்ததில் எந்தத் தவறும் இல்லை என்றும் தற்காத்து வருகிறது.
