1 லட்சம் ஓட்டு டார்கெட்.. தவெகவோட செம மாஸ் பிளான்.. ஆனா, மக்கள் கோவத்தால தெறித்து ஓடும் வேட்பாளர்கள்.. இடைத்தேர்தல் தவெகவுக்கு கைகொடுக்குமா.??

தமிழக இடைத்தேர்தலில் 1 லட்சம் வாக்குகள் வித்தியாசத்தில் இமாலய வெற்றி பெற வேண்டும் என்ற நோக்கில் தமிழக வெற்றிக் கழகம் தீவிரமான தேர்தல் வியூகங்களை வகுத்துச் செயல்பட்டு வருவதாகத் தகவல்கள் வெளியாகியுள்ளன. இந்த இலக்கை எட்டுவதற்காக அக்கட்சியின் முக்கிய நிர்வாகிகளும், பொறுப்பாளர்களும் தொகுதி முழுவதும் தற்போதிருந்தே தீவிர வாக்குச் சேகரிப்பிலும், பிரசாரக் களப்பணிகளிலும் இறங்கியுள்ளனர்.

இதற்கிடையே, அதிமுக தரப்பில் ஏற்கனவே வெற்றி பெற்று, பின்னர் தங்களது பதவியை ராஜினாமா செய்துவிட்டு மீண்டும் அதே தொகுதியில் போட்டியிடும் வேட்பாளர்கள் மீது பொதுமக்கள் மத்தியில் கடுமையான அதிருப்தியும், எதிர்ப்பும் நிலவி வருவதாகக் கூறப்படுகிறது. கட்சி மாறிய வேட்பாளர்களின் இந்த நடவடிக்கையால் அதிருப்தியில் இருக்கும் வாக்காளர்களை எவ்வாறு கையாளுவது என்ற குழப்பம் அக்கட்சி வட்டாரத்தில் எழுந்துள்ளது.

பொதுமக்களின் இந்த நேரடி எதிர்ப்பைச் சமாளிப்பதற்காக, அதிமுக தலைமை ஒரு புதிய உத்தியைக் கையாண்டு வருகிறது. அதன்படி, மக்கள் மத்தியில் எதிர்ப்பு அதிகமாகக் காணப்படும் குறிப்பிட்ட பகுதிகளுக்கு தங்களது வேட்பாளர்கள் தற்போதைக்கு பிரசாரத்திற்குச் செல்ல வேண்டாம் என்றும், அதற்குப் பதிலாக மாற்று வழிகளில் வாக்காளர்களை அணுகலாம் என்றும் அறிவுறுத்தப்பட்டுள்ளதாகத் தகவல்கள் கசிந்துள்ளன.