“ஸ்டாலினுக்கு வாய்ப்பில்லை… அண்ணாமலைக்கு யோகம் இல்லை.. ஆனா தனுசுக்கு..?” ஜோதிடர் ராதன் பண்டிட்டின் அதிரடி கணிப்பால் சூடேறும் தமிழக அரசியல்..!!!

திரையுலகில் முன்னணி நடிகராக வலம் வரும் நடிகர் தனுஷின் சமீபத்திய செயல்பாடுகள் மற்றும் விஜய்யின் ஆஸ்தான ஜோதிடரான ராதன் பண்டிட்டின் கணிப்புகள் தமிழக அரசியல் களத்தில் ஒரு புதிய விவாத அலையை உருவாக்கியுள்ளன. தமிழக வெற்றிக் கழகத்தைத் தொடங்கி வெற்றிகரமாக அரசியல் பயணத்தைத் தொடரும் முதலமைச்சர் விஜய்யைப் தொடர்ந்து, தனுஷும் அரசியலில் களமிறங்குவாரா என்ற எதிர்பார்ப்பு ரசிகர்கள் மற்றும் அரசியல் விமர்சகர்களிடையே அதிகரித்துள்ளது.

சென்னையில் நடைபெற்ற நிகழ்ச்சி ஒன்றில் பேசிய ஜோதிடர் ராதன் பண்டிட், தனுஷ் அரசியலுக்கு வந்தால் தமிழக அரசியலின் பாரம்பரியமிக்க பிரதான கட்சிகளான திமுக மற்றும் அதிமுகவின் இடத்திற்கே சவால் உருவாகும் என்று கணித்துள்ளார். தனுஷ் அரசியலில் இறங்கினால் அவர் எளிதாக இரண்டாவது இடத்தைப் பிடித்துவிடுவார் என்றும், வருங்காலத்தில் தமிழக அரசியல் களம் என்பது “விஜய் Vs தனுஷ்” என்ற நேரடிப் போட்டியாக மாறக்கூடிய சூழல் உருவாகும் என்றும் குறிப்பிட்டுள்ளார். அதேவேளையில், தனுஷின் அரசியல் வருகை முதலமைச்சர் விஜய்யின் தற்போதைய அரசியல் செல்வாக்கையோ அவரது பாதையையோ எந்த வகையிலும் பாதிக்காது என்றும் அவர் சுட்டிக்காட்டியுள்ளார்.

ஜோதிடக் கணிப்புகள் ஒருபுறமிருக்க, தனுஷின் சமீபத்திய நடவடிக்கைகளும் இந்த அரசியல் ஊகங்களுக்கு மேலும் வலுசேர்க்கும் வகையில் அமைந்துள்ளன. தனது பிறந்தநாள் விழாவில் ரசிகர்கள் நற்பணிகளில் ஈடுபட வேண்டும் என அறிவுறுத்தியது, நற்பணி மன்றத்திற்குத் தனி கொடி அறிமுகப்படுத்தப்பட்டது மற்றும் தொகுதி வாரியாக உறுப்பினர் சேர்க்கை நடத்தப்படுவதாக வெளியாகும் தகவல்கள் ஆகியவை அவரது அரசியல் நுழைவிற்கான அச்சாரமாகவே பார்க்கப்படுகின்றன. எனினும், ஜோதிடக் கருத்துக்கள் அறிவியல் பூர்வமான முடிவுகள் அல்ல என்பதால், தனுஷ் உண்மையில் நேரடி அரசியலில் களமிறங்குவாரா மற்றும் தமிழ்நாட்டின் அடுத்த கட்ட அரசியல் களம் எவ்வாறு உருவெடுக்கும் என்பதைப் பொறுத்திருந்தே பார்க்க வேண்டும்.