திமுக+அதிமுக+பாஜக பாணியில் விஜய்… தவெகவின் புதிய அரசியல் ஃபார்முலா… அதிரும் அரசியல் களம்.!!

தமிழக அரசியலில் மிக முக்கிய திருப்பமாகப் பார்க்கப்படும் தமிழக வெற்றிக் கழகத்தின் (தவெக) அரசியல் நகர்வுகள், தற்காலப் பெருங்கட்சிகளின் வியூகங்களை உள்வாங்கி உருவாக்கப்பட்டுள்ளது என அரசியல் விமர்சகர்கள் கருதுகிறார்கள். இந்த வகையில், திமுகவின் கொள்கைப் பரப்புரை, அதிமுகவின் ஒற்றைத் தலைமைப் பாணி மற்றும் பாஜகவின் தேர்தல் எதார்த்த அரசியல் ஆகிய மூன்றின் கலவையாக தவெகவின் புதிய ஃபார்முலா பார்க்கப்படுகிறது.

முதலாவதாக, திமுகவை அரசியல் ரீதியாகக் கடுமையாக எதிர்த்தாலும், தவெக அதன் 90 சதவீதக் கொள்கைகளைப் பின்பற்றுவதாக விமர்சகர்கள் சுட்டிக்காட்டுகின்றனர். மாநில சுயாட்சி, சமூக நீதி, திராவிடக் கோட்பாடுகள் மற்றும் தமிழ் மொழிப் பற்று போன்ற தமிழகத்தின் அடிப்படை அரசியல் கூறுகளை விஜய் கையில் எடுத்துள்ளார். கொள்கை அளவில் பெரிய மாறுதல் இல்லாதது போல் தோன்றினாலும், அதே கொள்கைகளைத் தனது பாணியில் புதிய தலைமுறைக்கு ஏற்றவாறு கொண்டு சேர்க்க தவெக முயல்கிறது.