நெஞ்சமே பதறிப்போகும் CCTV வீடியோ… கண் இமைக்கும் நேரத்தில் சுடுகாடான சுங்கச்சாவடி…! கேஸ் கசிந்து டேங்கர் லாரி பயங்கர வெடிவிபத்து… 5 பேர் பலியான கோரக் காட்சி வைரல்..!!

உத்தரப் பிரதேசத்தின் கான்பூரில் இருந்து வாரணாசி நோக்கிச் சென்று கொண்டிருந்த எல்.பி.ஜி சிலிண்டர் ஏற்றிய டேங்கர் லாரி ஒன்று, கௌசாம்பி மாவட்டத்தின் கோக்ராஜ் காவல் எல்லைக்குட்பட்ட சிஹோரி சுங்கச்சாவடி அருகே வந்தபோது திடீரென ஓட்டுநரின் கட்டுப்பாட்டை இழந்தது. அதிவேகமாக வந்த அந்த லாரி, சுங்கச்சாவடியின் தடுப்புச் சுவரில் பயங்கரமாக மோதி கவிழ்ந்தது. மோதிய சில வினாடிகளிலேயே டேங்கரிலிருந்து கேஸ் கசியத் தொடங்கி, அடர்ந்த வெள்ளைப் புகை மூட்டம் போல சுங்கச்சாவடி முழுவதும் அதிவேகமாகப் பரவியது.

வாயு கசிவு ஏற்பட்ட அடுத்த சில நொடிகளில், எதிர்பாராதவிதமாக அங்கு பயங்கர வெடிவிபத்து ஏற்பட்டு ஒட்டுமொத்த சுங்கச்சாவடிப் பகுதியும் ஒரு மாபெரும் நெருப்புக் கோளமாக மாறியது. இந்த கோர விபத்தில் டேங்கர் லாரியின் கேபினுக்குள் சிக்கிக்கொண்ட ஓட்டுநர் தர்மேந்திர துபே சம்பவ இடத்திலேயே உடல் கருகி உயிரிழந்தார். மேலும், சுங்கச்சாவடி ஊழியர்கள் மற்றும் அங்கு கடந்து சென்றவர்கள் எனப் பலர் இந்தத் தீயில் சிக்கி பலத்த தீக்காயமடைந்தனர். இதில் சிகிச்சை பலனின்றி இதுவரை 5 பேர் உயிரிழந்துள்ளதாக அதிகாரிகள் தெரிவித்துள்ளனர். மேலும், அங்கு நிறுத்தப்பட்டிருந்த ஊழியர்களின் 16 மோட்டார் சைக்கிள்கள் மற்றும் 2 கார்கள் முற்றிலும் எரிந்து சாம்பலாகின.

https://x.com/Chhotukingoffi1/status/2072747883942883451?ref_src=twsrc%5Etfw%7Ctwcamp%5Etweetembed%7Ctwterm%5E2072747883942883451%7Ctwgr%5E4207e8dde0a24a8daa16babbe5c0b7c53bd5c9aa%7Ctwcon%5Es1_c10&ref_url=https%3A%2F%2Fwww.freepressjournal.in%2Fviral%2Fup-toll-plaza-horror-4-dead-after-lpg-tanker-leaks-triggers-massive-fire-in-kaushambi-cctv-footage-viral

இந்த விபத்தின் பதைபதைக்க வைக்கும் சிசிடிவி காட்சிகள் தற்போது சமூக வலைத்தளங்களில் வெளியாகி வைரலாகி வருகின்றன. கேஸ் கசிவு பரவுவதும், வாகனங்கள் அங்கு நின்றுகொண்டிருக்கும் போதே திடீரென ஒட்டுமொத்த இடமும் தீப்பிழம்பாக மாறுவதும் அந்த வீடியோவில் பதிவாகியுள்ளது. விபத்து நடந்தவுடன் தீயணைப்புத் துறையினர் விரைந்து வந்து தீயைக் கட்டுக்குள் கொண்டு வந்தனர். இந்த விபத்து குறித்துப் போலீஸார் வழக்குப் பதிவு செய்து, தொழில்நுட்பக் குழுவின் உதவியுடன் விபத்துக்கான துல்லியமான காரணம் என்ன என்பது குறித்து தீவிர விசாரணை நடத்தி வருகின்றனர்.