காலையிலேயே ஷாக்…! திமுக – தவெக இணைய வேண்டும்… புதிய குண்டை தூக்கிப்போட்ட திருமாவளவன்… அதிர்ச்சியில் அரசியல் வட்டாரம்..!!

விடுதலைச் சிறுத்தைகள் கட்சியின் தலைவர் தொல். திருமாவளவன், தேசிய அளவில் பாஜகவை எதிர்க்கும் நோக்கில் திமுகவும், தமிழக வெற்றிக் கழகமும் இணைந்து செயல்பட வேண்டும் என்று தனது அரசியல் நிலைப்பாட்டை வெளிப்படுத்தியுள்ளார். கூட்டணி தொடர்பான தனது இந்த கருத்திற்கு அரசியல் வட்டாரத்தில் பல்வேறு விமர்சனங்கள் எழுந்துள்ள நிலையில், தம்மால் முன்வைக்கப்பட்ட இந்த ‘தேசிய அளவிலான பார்வையை’ தமிழக அரசியல்வாதிகளால் சரியாகப் புரிந்துகொள்ள முடியவில்லை என்றும் அவர் வருத்தம் தெரிவித்துள்ளார்.

அரசியல் ரீதியாக மாநில அளவில் திமுக மற்றும் தவெக ஆகிய இரு கட்சிகளுக்கும் இடையே கடுமையான போட்டிகளும், முரண்பாடுகளும் நீடித்து வருகின்றன. இருப்பினும், கொள்கை ரீதியாக இந்த இரு கட்சிகளுமே மத்தியிலுள்ள பாஜக அரசை தீவிரமாக எதிர்ப்பதால், தேசிய அளவிலான இந்தியா கூட்டணியில் இவை இரண்டும் ஓரணியில் திரள வேண்டும் என்பதே திருமாவளவனின் முக்கிய விருப்பமாக அமைந்துள்ளது. தனது இந்த முடிவை அவர் ஒரு பரந்த தேசிய கண்ணோட்டத்துடன் மட்டுமே கூறியுள்ளதாகவும், தனிப்பட்ட பாதிப்புகளையோ அல்லது வெறும் மாநில அரசியல் சூழலையோ மட்டும் மனதில் வைத்துப் பேசவில்லை என்றும் தெளிவுபடுத்தியுள்ளார்