“‘இதுகூட தெரியாதவரா அதிபர்?’.. டிரம்ப் செய்த அந்த ஒரு குளறுபடி.. வறுத்தெடுக்கும் ஈரான் ஊடகங்கள்.. அனல் பறக்கும் விவாதம்”..!!

நேட்டோ மாநாட்டில் உரையாற்றிய அமெரிக்க அதிபர் டொனால்ட் டிரம்ப், ஜப்பானை ஒரு இஸ்லாமிய நாடு என்று தவறாகக் குறிப்பிட்டுப் பேசியுள்ளது தற்போது இணையத்தில் பெரும் பேசுபொருளாகவும் விவாதமாகவும் மாறியுள்ளது. அமெரிக்கக் கப்பல் மீது ‘ஈரான் இஸ்லாமிய குடியரசு’ ஏவுகணைத் தாக்குதல் நடத்தியது என்ற விபரத்தைக் குறிப்பிடுவதற்குப் பதிலாக, அவர் தவறுதலாக ‘ஜப்பான்’ என்று மாற்றிப் பேசியுள்ளார். இந்த உளறல் பேச்சு காரணமாக அதிபர் டிரம்ப் மீண்டும் சமூக ஊடகங்களில் கடுமையான ட்ரோல்களுக்கு உள்ளாகி வருகிறார்.

டிரம்பின் இந்த விசித்திரமான வீடியோவைச் சுட்டிக்காட்டி ஈரான் நாட்டின் ஊடகங்கள் தங்களது பக்கங்களில் பகிர்ந்து அவரைத் தீவிரமாக விமர்சித்து வருகின்றன. “இந்தக் குறைந்தபட்ச பொது அறிவு கூடத் தெரியாதவரா அமெரிக்க அதிபராக இருக்கிறார்?” என்று அவர்கள் தங்களின் சமூக வலைத்தளங்களில் கடுமையாகக் கிண்டல் செய்து வருகின்றனர். இந்தச் சம்பவம் சர்வதேச அரசியல் வட்டாரங்களில் தற்போது பரபரப்பான ட்ரெண்டிங் செய்தியாக மாறியுள்ளது.