ஆட்டம் ஆரம்பம்..! போதை அரக்கனை ஒழிக்க கைகோர்த்த ஜில்லா கூட்டணி.. ‘ஆபரேஷன் தூஃபான்’ களத்தில் மோகன்லாலுடன் இணையும் முதல்வர் விஜய்..!!!

தமிழக வெற்றிக் கழகத்தின் தலைவரும் நடிகருமான விஜய், கேரள அரசின் போதைப்பொருள் ஒழிப்பு விழிப்புணர்வு பிரச்சாரத்தில் மலையாள சூப்பர் ஸ்டார் மோகன்லாலுடன் மீண்டும் இணையவுள்ளார். கேரள அமைச்சர் ரமேஷ் சென்னிதலா, விஜய்யைச் சந்தித்துப் பேசியபோது, போதைப்பொருட்களுக்கு எதிராகக் கேரளா அரசு முன்னெடுத்துள்ள ‘ஆபரேஷன் தூஃபான்’ திட்டத்திற்கு விஜய் தனது முழு ஆதரவைத் தெரிவித்தார். மேலும், அமைச்சரின் அழைப்பை ஏற்று, கேரளாவில் நடைபெறவுள்ள போதைப்பொருள் ஒழிப்பு விழிப்புணர்வு நிகழ்ச்சியில் மோகன்லாலுடன் இணைந்து பங்கேற்கத் தனது விருப்பத்தையும் அவர் தெரிவித்துள்ளார்.

ஏற்கனவே சூப்பர் ஹிட்டான ‘ஜில்லா’ திரைப்படத்திற்குப் பிறகு, விஜய் மற்றும் மோகன்லால் ஆகிய இரு பெரும் ஆளுமைகளும் நிஜ வாழ்க்கையில் ‘போதை எனும் அரக்கனை’ ஒழிப்பதற்காகக் கைகோர்த்திருப்பது ரசிகர்களிடையே பெரும் வரவேற்பைப் பெற்றுள்ளது. சமூகக் கடமையுடன் இந்த விழிப்புணர்வு பிரச்சாரத்தில் தமிழ் மற்றும் மலையாளத் திரையுலகின் இரு முன்னணி நட்சத்திரங்கள் இணைந்திருப்பதை பல்வேறு அரசியல் தலைவர்களும் சமூக ஆர்வலர்களும் பாராட்டி வருகின்றனர்.