வெடித்தது மோதல்..! என்னை பத்தி பேச உனக்கென்ன தகுதி இருக்கு..? பிரவீன் காந்தியை கடுமையாக தாக்கிய செல்வப்பெருந்தகை..!!

ராகுல் காந்தி நாட்டின் பிரதமராக வேண்டுமென்றால், காங்கிரஸ் கட்சி தொடர்ந்து திமுக கூட்டணியில் நீடிக்க வேண்டியது அவசியம் என்று அக்கட்சியின் மூத்த தலைவரான செல்வப்பெருந்தகை திட்டவட்டமாகத் தெரிவித்துள்ளார். நாடாளுமன்றத் தேர்தலில் தமிழகத்தில் உள்ள 40-க்கு 40 தொகுதிகளிலும் திமுக தலைமையிலான வலுவான கூட்டணியின் காரணமாகவே தங்களால் மகத்தான வெற்றி பெற முடிந்தது என்பதையும் அவர் வெளிப்படையாகச் சுட்டிக்காட்டியுள்ளார்.

இதே விவகாரத்தில், ராகுல் காந்தியைப் பிரதமர் வேட்பாளராக ஏற்காத கட்சிகளுடன் எதற்கு கூட்டணி வைக்க வேண்டும் என்று தாம் பேசியதற்கு, பிரவீன் சக்கரவர்த்தி எம்பி “அவரெல்லாம் இப்போது யார்?” எனக் கேள்வி எழுப்பியிருந்ததற்கு செல்வப்பெருந்தகை தற்போது ஆவேசமாகப் பதிலடி கொடுத்துள்ளார். தந்தை பெரியார் மற்றும் அண்ணல் அம்பேத்கரின் கொள்கை நூல்களைத் தீவிரமாகப் படித்து, அடிமட்டத்திலிருந்து அரசியலுக்கு வந்த தன்னை நோக்கி ‘நீ யார்’ எனக் கேட்பதற்கு பிரவீன் சக்கரவர்த்திக்கு என்ன தகுதியுள்ளது என்று அவர் சாடியுள்ளார்.

மேலும், பிரவீன் சக்கரவர்த்தியின் இந்த ஆதிக்க மனோபாவப் பேச்சானது அவரது ஆணவத்தை வெளிப்படுத்துவதாகவும், அவரின் குரல் காங்கிரஸ் கட்சியின் குரல் அல்ல, மாறாக அது பாஜகவின் குரலாகவே ஒலிக்கிறது என்றும் செல்வப்பெருந்தகை கடுமையாகக் குற்றம் சாட்டியுள்ளார். தமிழக காங்கிரஸ் கட்சியின் இரு முக்கியத் தலைவர்களுக்கிடையே வெடித்துள்ள இந்த பகிரங்க வார்த்தை மோதல் தற்போது தமிழக அரசியல் வட்டாரத்தில் பெரும் பரபரப்பை ஏற்படுத்தியுள்ளது.