“திதி ப்ளீஸ் என்னை விட்டுடுங்க..” தம்பிக்காக இதைக் கூட பண்ண மாட்டீங்களா..? கைது செய்யப்பட்ட பேருந்தில் பெண் போலீஸிடம் செய்தியாளர் செய்த அட்டகாசம்..! இணையத்தைக் கலக்கும் வைரல் வீடியோ…!!

தலைமைத் தேர்தல் ஆணையர் ஞாநேஷ் குமாருக்கு எதிராக நடைபெற்ற போராட்டத்தின் போது, செய்தியாளர் என்று கூறிக்கொண்ட நபர் ஒருவர் காவல் பேருந்தில் இருந்து தன்னை விடுவிக்குமாறு பெண் டெல்லி காவலரிடம் வேடிக்கையாகக் கெஞ்சும் வீடியோ இணையத்தில் வைரலாகி வருகிறது. அனூஜ் பகத் என்பவர் தனது இன்ஸ்டாகிராம் பக்கத்தில் பகிர்ந்துள்ள இந்த காணொளியில், போராட்டத்தில் கைது செய்யப்பட்டு பேருந்தில் வைக்கப்பட்டிருந்த அவர், கதவை மூட முயலும் பெண் காவலரிடம் “திதி, என்னைப்போக விடுங்கள்” என்று வேண்டுகோள் விடுப்பது பதிவாகியுள்ளது.

அந்த வீடியோவில், பேருந்திற்கு வெளியே இருக்கும் பிற போராளிகள் கதவைத் திறக்க முயல, பெண் காவலர் அதைக் கடமை உணர்வுடன் மூடப் போராடுகிறார். அதைக் கண்ட அந்த நபர், “திதி, ஒரு தம்பிக்குக்கூட இதைச் செய்யமாட்டீர்களா? டெல்லி போலீஸில் இருக்கும் பெண்களுக்கு சலூட் வைக்க வேண்டும்” என்று பாராட்டியபடியே தன்னைக் விடுவிக்குமாறு கூறுகிறார். மேலும், வெளியே போராட்டம் தீவிரமாக நடந்தபோதிலும், அந்த பெண் காவலர் எந்த கெட்ட வார்த்தைகளும் பேசாமல் அமைதியாகத் தனது கடமையைச் செய்வதாகவும் புகழ்கிறார்.

மற்றொரு பெண் காவலரும் உதவிக்கு வந்தபோது, “நீங்கள் என் சகோதரிகள், அதனால் உங்களை என்னால் விலக்க முடியாது; நாங்கள் நிருபர்கள், எதுவும் செய்யவில்லை, திதி விடுவித்துவிடுங்கள்” என்று நகைச்சுவையாகப் பேசுகிறார். வாக்காளர் பட்டியல் சிறப்புச் சீரமைப்பு மற்றும் தலைமைத் தேர்தல் ஆணையருக்கு எதிரான போராட்டத்தின்போது மத்திய டெல்லியில் கைதானவர்களை அழைத்துச் சென்றபோதே இந்த நிகழ்வு நடந்துள்ளது.