CRIME
அய்யய்யோ.. சாலையில் நடந்து சென்ற பெண்.. திடீரென சுற்றி வளைத்து கடித்துக் குதறிய 7 தெருநாய்கள்.. அலறல் சத்தம் கேட்டு ஓடி வந்த மக்கள் கண்ட பகீர் காட்சி.. வைரல் வீடியோ..!!!
குஜராத் மாநிலம் பாவ்நகர் நகரின் ரானிகா பகுதியில், சுமார் 6 முதல் 7 தெருநாய்கள் அடங்கிய கும்பல் ஒன்று பெண் ஒருவரைக் கொடூரமாகத் தாக்கியதில் அவர் பலத்த காயமடைந்துள்ளார். அப்பகுதி வழியாக அந்தப் பெண் நடந்து சென்று கொண்டிருந்தபோது, திடீரென அவரைச் சூழ்ந்து கொண்ட தெருநாய்கள் கண்மூடித்தனமாகக் கடித்துக் குதறியுள்ளன.
இந்தத் தாக்குதலில் அந்தப் பெண்ணின் கால்கள் மற்றும் வயிற்றுப் பகுதியில் பலத்த காயங்கள் ஏற்பட்டுள்ளன. நாய்களின் பிடியில் சிக்கிய அந்தப் பெண்ணின் அலறல் சத்தத்தைக் கேட்ட அக்கம் பக்கத்தினர் உடனடியாக ஓடி வந்து, நாய்களை விரட்டியடித்து அவரைக் காப்பாற்றினர்.
பின்னர் படுகாயமடைந்த அந்தப் பெண்ணை உள்ளூர் மக்கள் மீட்டு உடனடியாக மருத்துவமனையில் சிகிச்சைக்காக அனுமதித்தனர். தற்போது அவருக்குத் தீவிர சிகிச்சை அளிக்கப்பட்டு வருவதாகவும், அவரது உடல்நிலை சீராக இருப்பதாகவும் மருத்துவர்கள் தெரிவித்துள்ளனர்; இருப்பினும், பட்டப்பகலில் தெருநாய்கள் கும்பலாகச் சேர்ந்து பெண்ணைத் தாக்கிய இந்தச் சம்பவம் அப்பகுதி மக்களிடையே பெரும் அச்சத்தையும் பீதியையும் ஏற்படுத்தியுள்ளது.
