CRIME
“அடப்பாவி.. மாலை மாற்றிய கையோடு மாயமான மணமகன்…” அறைக் கதவைத் திறந்து பார்த்த உறவினர்களுக்குக் காத்திருந்த செம ஷாக்.. மணப்பெண் கொடுத்த தரமான பதிலடி..!!
உத்தரப்பிரதேச மாநிலம் ஃபிரோசாபாத் பகுதியில், கோலாகலமாக நடைபெறவிருந்த திருமண நிகழ்வில் மணமகன் செய்த செயலால் திருமணம் பாதியிலேயே நின்ற சம்பவம் பெரும் பரபரப்பை ஏற்படுத்தியுள்ளது. வண்ண விளக்குகளால் அலங்கரிக்கப்பட்ட திருமண மண்டபத்தில், உறவினர்கள் மற்றும் நண்பர்கள் முன்னிலையில் மணமகனும் மணப்பெண்ணும் மகிழ்ச்சியுடன் மாலை மாற்றிக் கொண்டனர். இன்னும் சில மணி நேரங்களில் அக்னி சாட்சியாக ஏழு அடிகள் எடுத்து வைத்துத் திருமணச் சடங்குகள் நிறைவடையவிருந்த நிலையில், விதி வேறு விதமாகச் செயல்பட்டது.
மாலை மாற்றிய சடங்கு முடிந்த சிறிது நேரத்திலேயே, மணமகனைக் காணாமல் உறவினர்கள் தேடியுள்ளனர். அப்போது, மண்டபத்தில் உள்ள ஒரு அறைக்குள் வேறொரு பெண்ணுடன் மணமகன் தனிமையில் இருந்ததைக் கண்டு அனைவரும் அதிர்ச்சியில் உறைந்து போயினர். இந்தத் தகவல் மணப்பெண்ணுக்கும் அவரது குடும்பத்தினருக்கும் தெரியவந்ததும், திருமண மண்டபமே போர்க்களம் போலக் காட்சியளித்தது.
மணமகனின் இந்தத் துரோகத்தால் கடும் ஆத்திரமடைந்த மணப்பெண், இனி இந்தத் திருமணத்தைத் தொடர முடியாது எனத் திட்டவட்டமாகக் கூறித் திருமணத்தை நிறுத்தினார். இதையடுத்து இரு வீட்டாருக்கும் இடையே கடும் வாக்குவாதமும் மோதலும் ஏற்பட்ட நிலையில், இந்த விவகாரம் தற்போது காவல் நிலையம் வரை சென்றுள்ளது; இது குறித்துப் போலீசார் தீவிர விசாரணை நடத்தி வருகின்றனர்.
