LATEST NEWS
FLASH: தமிழகம் முழுவதும் போராட்டம் வெடிக்கப்போகுது.. நாதக சீமான் அறிவிப்பு..!!
தாராபுரம் சட்டப்பேரவைத் தொகுதி நாம் தமிழர் கட்சி வேட்பாளர் கார்த்திகா மற்றும் அவரது கணவர் உட்படக் கட்சியினரை அதிகாலையில் திடீரென வழக்குப் பதிவு செய்து கைது செய்துள்ளனர். காவல்துறையின் இந்த நடவடிக்கையைக் கடுமையாகக் கண்டித்துள்ள நாம் தமிழர் கட்சியின் தலைமை ஒருங்கிணைப்பாளர் சீமான், இதற்கு எதிர்ப்புத் தெரிவிக்கும் வகையில் வரும் அக்டோபர் 24ஆம் தேதி தமிழகம் முழுவதும் உள்ள அனைத்து மாவட்டத் தலைநகரங்களிலும் கண்டன ஆர்ப்பாட்டம் நடைபெறும் என்று அதிகாரப்பூர்வமாக அறிவித்துள்ளார்.
இடைத்தேர்தல் கால வழக்குகளைக் காரணம் காட்டி, அரசியல் பழிவாங்கும் நோக்கத்துடனும் ஆளுங்கட்சியின் அடக்குமுறையோடும் இந்த அதிகாலை கைது நடவடிக்கை அரங்கேற்றப்பட்டுள்ளதாகக் கட்சியின் தலைமை குற்றம் சாட்டியுள்ளது. ஜனநாயகக் குரல்களை ஒடுக்க நினைக்கும் இத்தகைய நடவடிக்கைகளைக் கைவிட்டு, சட்டவிரோதமாகக் கைது செய்யப்பட்டுள்ள வேட்பாளர் கார்த்திகா உள்ளிட்ட நாம் தமிழர் கட்சியினர் அனைவரையும் அரசு உடனடியாக எவ்வித நிபந்தனையுமின்றி விடுதலை செய்ய வேண்டும் என்றும் அக்கட்சி பலத்த கோரிக்கை விடுத்துள்ளது
