“என் அக்காவை விட்ருங்கடா” தீபாவளியன்று தந்தையை தேடிச்சென்ற சகோதரிகள்… துப்பாக்கியை காட்டி மிரட்டி தங்கையின் கண்முன்னே அக்காவுக்கு நேர்ந்த கொடூரம்..!!

பீகாரின் பாட்னா பகுதியில் உள்ள பஹா பகுதியில் தீபாவளி இரவில் அதிர்ச்சியூட்டும் சம்பவம் ஒன்று நடந்துள்ளது. நவம்பர் 8-ஆம் தேதி இரவு 11 மணி அளவில், இரண்டு சகோதரிகளும் தங்கள் தந்தையைத் தேடுவதற்காக வீட்டை விட்டு வெளியே சென்றுள்ளனர். அப்போது வீட்டிலிருந்து சுமார் 500 மீட்டர் தொலைவில் மூன்று இளைஞர்கள் அவர்களை வழிமறித்துச் சூழ்ந்து கொண்டனர்.

குற்றவாளிகள் மூத்த சகோதரியைப் பிடித்து ஒரு பாழடைந்த சாலைக்கு இழுத்துச் சென்றனர். இதற்கிடையே, இளைய சகோதரியின் நெற்றியில் துப்பாக்கியை வைத்து மிரட்டி அவர்களை மௌனமாக இருக்கச் செய்தனர். அந்த மூவரும் மூத்த சகோதரியை மாறி மாறி பாலியல் வன்கொடுமை செய்ததோடு, ஆபாசமான வீடியோவையும் பதிவு செய்ததாகப் பாதிக்கப்பட்டவர் குற்றம்சாட்டியுள்ளார்.

இந்த கொடூரச் சம்பவத்திற்குப் பிறகு குற்றவாளிகள் அங்கிருந்து தப்பியோடினர். பாதிக்கப்பட்ட சகோதரிகள் சுமார் இரண்டு மணி நேரத்திற்குப் பிறகு வீடு வந்து குடும்பத்தினரிடம் விவரிக்க, உடனே ‘டயல் 112’ எண்ணிற்குத் தகவல் தெரிவிக்கப்பட்டது. இதனையடுத்து, காவல்துறையினர் பாதிக்கப்பட்ட பெண்ணைப் பரிசோதனைக்காக மருத்துவமனைக்கு அனுப்பி வைத்துள்ளனர்.