“கொலையா? தற்கொலையா..?” ஒரே நாவல் மரத்தில் தொங்கிய இரு சிறுமிகள்.. பின்னணியில் இருக்கும் ரகசியம் என்ன..? நெஞ்சை உலுக்கும் சோக சம்பவம்..!!

உத்தரப் பிரதேச மாநிலம் ஷாஜகான்பூர் மாவட்டத்தின் நிகோஹி காவல் எல்லைக்குட்பட்ட ஹரையா கிராமத்தில், திங்கட்கிழமை காலை ஒரு நெஞ்சை உலுக்கும் துயரச் சம்பவம் வெளிச்சத்திற்கு வந்துள்ளது. 17 மற்றும் 15 வயதுடைய இரண்டு சிறுமிகள், அங்குள்ள ஒரு நாவல் மரத்தில் ஒரே கயிற்றில் தூக்கில் தொங்கிய நிலையில் சடலமாகக் கண்டெடுக்கப்பட்டனர். காலையில் கிராம மக்கள் வயல்வெளிகளை நோக்கிச் சென்றபோது, சிறுமிகள் மரத்தில் தொங்குவதைக் கண்டு அதிர்ச்சியடைந்து போலீசாருக்குத் தகவல் கொடுத்தனர். தகவல் அறிந்து சம்பவ இடத்திற்கு விரைந்து வந்த போலீசாரும் தடயவியல் நிபுணர்களும் உடல்களைக் கைப்பற்றித் தீவிர விசாரணையைத் தொடங்கியுள்ளனர்.

முதற்கட்ட விசாரணையில், உயிரிழந்த அந்த இரு சிறுமிகளும் நெருங்கிய உறவினர்கள் மற்றும் மிகச் சிறந்த தோழிகள் என்பது தெரியவந்துள்ளது. இவர்களது வீடுகள் மிக அருகருகே அமைந்துள்ள நிலையில், இவர்கள் இருவரும் இணைந்து சமூக வலைதளங்களில் தொடர்ந்து ரீல்ஸ் வீடியோக்களைப் பதிவிட்டு வந்ததையும் போலீசார் கண்டறிந்துள்ளனர். சிறுமிகளின் உடல்கள் உடற்கூறாய்விற்காக மருத்துவமனைக்கு அனுப்பி வைக்கப்பட்டுள்ளன. இந்த மரணங்களுக்கான துல்லியமான காரணம் இன்னும் தெரியவராத நிலையில், தற்கொலையா அல்லது வேறு ஏதேனும் சதி உள்ளதா என்ற அனைத்துக் கோணங்களிலும் போலீசார் விசாரித்து வருகின்றனர்; உடற்கூறாய்வு அறிக்கை வந்த பிறகே முழு விவரங்களும் தெரியவரும் என காவல்துறையினர் தெரிவித்துள்ளனர்.