“தப்பு செஞ்சவங்க தப்ப முடியாது!” டெண்டர் முறைகேடு புகாரில் சிக்கிய 2 அமைச்சர்கள், 3 எம்.எல்.ஏ-க்கள்… முதல்வர் விஜய் எடுக்கப்போகும் அதிரடி முடிவு..!

டெண்டர் முறைகேடு புகார்களில் சிக்கிய தவெக அமைச்சர்கள் மற்றும் எம்.எல்.ஏ-க்கள் மீது ஒழுங்கு நடவடிக்கை எடுக்க முதலமைச்சர் சி. ஜோசப் விஜய் திட்டமிட்டுள்ளதாகத் தகவல் வெளியாகியுள்ளது. கட்சி மற்றும் ஆட்சிப் பொறுப்பேற்ற பிறகு சட்டமன்ற உறுப்பினர்கள் மீது அடுக்கடுக்கான புகார்கள் எழுந்து வரும் நிலையில், முதலமைச்சர் விஜய் தவெக எம்.எல்.ஏ-க்களுடன் அவசர ஆலோசனை நடத்தவுள்ளார். இந்தச் சந்திப்பின் போது முறைகேடு புகார்கள் குறித்து விரிவாக விவாதிக்கப்படும் எனத் தெரிகிறது.

குறிப்பாக, டெண்டர் முறைகேடு புகார்களில் சிக்கியுள்ள 2 முக்கிய அமைச்சர்கள் மற்றும் 3 எம்.எல்.ஏ-க்கள் மீது இந்த ஆலோசனைக் கூட்டத்திற்குப் பிறகு அதிரடி நடவடிக்கை பாயலாம் என்று கட்சி உள்வட்டாரங்கள் தெரிவிக்கின்றன. அவர்கள் மீதான புகார்கள் உண்மை என உறுதியாகும் பட்சத்தில், கட்சி மற்றும் அரசுப் பதவிகளில் இருந்து நீக்கப்படுவது உள்ளிட்ட கடுமையான ஒழுங்கு நடவடிக்கைகள் எடுக்கப்பட வாய்ப்புள்ளதாகக் கூறப்படுகிறது.

இந்தச் சூழ்நிலையில், தவெக தரப்பிலிருந்து பேசிய அக்கட்சியின் முக்கிய நிர்வாகியான ராஜ்மோகன், “ஆட்சியில் தவறு செய்பவர்கள் யாராக இருந்தாலும் தப்ப முடியாது” என்று திட்டவட்டமாகத் தெரிவித்துள்ளார். குற்றச்சாட்டுகளுக்கு உள்ளானவர்கள் மீது முதல்வர் விஜய் எடுக்கவுள்ள இந்த அதிரடித் திட்டம், தவெக கட்சிக்குள்ளும் தமிழக அரசியல் வட்டாரத்திலும் தற்போது பெரும் பரபரப்பை ஏற்படுத்தியுள்ளது.