புற்றுநோயுடன் போராடும் சோனியாகாந்தி .. முதன்முறையாக உண்மையை உடைத்தார்..!!

சோனியா காந்தி தனது ‘பிலாங்கிங்: எ ஜர்னி ஆஃப் லவ்’ (Belonging: A Journey of Love) என்ற சுயசரிதை புத்தகத்தில், ஐக்கிய முற்போக்கு கூட்டணி அரசின் இரண்டாவது ஆட்சி காலத்தில் தனக்கு ஏற்பட்ட புற்றுநோய் பாதிப்பு மற்றும் அதற்கான சிகிச்சை குறித்து முதல்முறையாக அதிகாரப்பூர்வமாகப் பகிர்ந்துள்ளார். 2010 வரை பெரிய உடல்நலப் பாதிப்புகள் இல்லாத நிலையில், மார்பகப் புற்றுநோய் சந்தேகத்தின் பேரில் ஊடகங்களின் கவனத்தைத் தவிர்க்க அவர் ஐரோப்பாவில் அறுவை சிகிச்சை செய்துகொள்ள முடிவெடுத்தார். இத்தாலியின் மிலன் நகரில் உள்ள ஐரோப்பிய புற்றுநோயியல் நிறுவனத்தில் டாக்டர் வெரோனேசி மூலம் அவருக்கு வெற்றிகரமாக முதல் அறுவை சிகிச்சை நடைபெற்றது.

அதன் பிறகு, ஒரு வருடம் கழித்து மேற்கொள்ளப்பட்ட வழக்கமான மருத்துவப் பரிசோதனையில் அவரது கணையத்தில் மற்றொரு கட்டி இருப்பது கண்டறியப்பட்டது. இதற்காக அவர் நெதர்லாந்தின் ராட்டர்டாமில் உள்ள எராஸ்மஸ் பல்கலைக்கழக மருத்துவ மையத்திற்கு அனுப்பப்பட்டு, புகழ்பெற்ற அறுவை சிகிச்சை நிபுணர் டாக்டர் காஸ்பர் வான் ஐஜ்க் மூலம் இரண்டாவது அறுவை சிகிச்சையைச் செய்துகொண்டார். அதிர்ஷ்டவசமாக இந்த கணையக் கட்டி ஆரம்ப நிலையிலேயே கண்டறியப்பட்டதால், அது புற்றுநோய்க்கு முந்தைய ஆரம்பகட்ட நிலையிலேயே அகற்றப்பட்டது.

அரசியல் வட்டாரங்களில் நீண்ட காலமாக ரகசியமாக கிசுகிசுக்கப்பட்டு வந்த தனது புற்றுநோய் போராட்டத்தை சோனியா காந்தி இப்புத்தகத்தின் மூலம் உறுதிப்படுத்தியுள்ளார். இந்த இரண்டு இக்கட்டான சிகிச்சை காலகட்டங்களின் போதும், அறுவை சிகிச்சை அறைக்குச் செல்லும் முன் அவரது பிள்ளைகளான ராகுல் காந்தியும் பிரியங்கா காந்தியும் அருகில் இருந்து தனக்கு தைரியமும் நிம்மதியும் அளித்ததாக அவர் தனது புத்தகத்தில் நெகிழ்ச்சியுடன் குறிப்பிட்டுள்ளார்.