“குழந்தை இல்லாத வேதனை புரியுது” ஆனாலும் சம்மதிக்க முடியாது… வாடகைத் தாய் முறைக்கு அனுமதி கேட்ட தம்பதியின் மனு தள்ளுபடி…. நீதிமன்றத்தின் அதிரடி தீர்ப்பு….!!

வாடகைத் தாய் முறை மூலம் குழந்தை பெற்றுக் கொள்ள அனுமதி கோரி 50 வயதான பெண் ஒருவர் தாக்கல் செய்த மனுவை, டெல்லி உயர் நீதிமன்றம் அதிரடியாகத் தள்ளுபடி செய்து உத்தரவிட்டுள்ளது. நீண்ட நாட்களாகக் குழந்தை இல்லாத காரணத்தால் அந்தத் தம்பதியினர் அனுபவித்து வரும் கடுமையான மன உளைச்சலையும், அவர்களின் தவிப்பையும் நீதிமன்றம் முழுமையாகப் புரிந்துகொள்வதாக நீதிபதிகள் தங்களது தீர்ப்பில் குறிப்பிட்டுள்ளனர்.

இருப்பினும், தற்போதைய சட்டம் தெளிவாக நிர்ணயித்துள்ள 50 வயது என்ற அதிகபட்ச வயது வரம்பைத் தாண்டிய பிறகு, வெறும் அனுதாபத்தின் அடிப்படையில் மட்டுமே யாருக்கும் சட்டத்தில் விதிவிலக்கு அளிக்க முடியாது என நீதிமன்றம் திட்டவட்டமாக விளக்கமளித்துள்ளது. வயது முதிர்ந்த காலத்தில் குழந்தையைப் பராமரிப்பதில் உள்ள நடைமுறைச் சிக்கல்களையும் நீதிமன்றம் இதில் கவனத்தில் கொண்டுள்ளது.

சட்ட விதிகளையும், வயது கட்டுப்பாடுகளையும் மீறி வாடகைத் தாய் முறைக்கு அனுமதி அளிப்பது சட்டப்பூர்வ நடைமுறைகளுக்கு முற்றிலும் முரணாக அமைந்துவிடும் என்றும் நீதிமன்றம் சுட்டிக்காட்டியுள்ளது. இதன் காரணமாக, 50 வயதைக் கடந்த அந்தத் தம்பதியினருக்கு வாடகைத் தாய் முறையைப் பயன்படுத்துவதற்கான சட்டப்பூர்வ வாய்ப்பு மறுக்கப்பட்டு, அவர்களின் கோரிக்கை மனு முழுமையாக நிராகரிக்கப்பட்டுள்ளது