“துணை சபாநாயகர் பதவி திடீர் மாற்றம்…?” சட்டப்பேரவை செயலாளருடன் தவெக MLA கருப்பையா அவசரச் சந்திப்பு…. கோட்டையில் பெரும் பரபரப்பு..!!

தமிழகத் துணை சபாநாயகர் ரவிசங்கர் தனது பதவியை இழக்கக்கூடும் என அரசியல் வட்டாரங்களில் பலத்த தகவல் வெளியாகியுள்ள நிலையில், சோழவந்தான் தொகுதி தவெக (தமிழக வெற்றிக் கழகம்) சட்டமன்ற உறுப்பினர் கருப்பையா திடீரென சட்டப்பேரவை செயலாளரை நேரில் சந்தித்துப் பேசியுள்ளார். தவெக தமிழகத்தில் புதிய அரசை அமைத்த சமயத்தில், தற்காலிக சபாநாயகராக பொறுப்பேற்று, தேர்ந்தெடுக்கப்பட்ட புதிய சட்டமன்ற உறுப்பினர்களுக்குப் பதவிப் பிரமாணம் செய்து வைத்தவர் இதே எம்.எல்.ஏ கருப்பையா என்பது குறிப்பிடத்தக்கது. இந்த முக்கியப் பின்னணியைக் கொண்டவர் தற்போது பேரவை செயலாளரைச் சந்தித்துள்ளது அரசியல் ரீதியாகப் பெரும் உற்றுநோக்கலை ஏற்படுத்தியுள்ளது.

துணை சபாநாயகர் மாற்றம் குறித்த யூகங்களுக்கு மத்தியில் இந்தச் சந்திப்பு நிகழ்ந்துள்ளதால், சட்டப்பேரவையின் அடுத்தகட்ட நகர்வுகள் மற்றும் புதிய பொறுப்புகள் குறித்த ஆலோசனைகள் இதில் விவாதிக்கப்பட்டிருக்கலாம் எனத் தெரிகிறது. ரவிசங்கரின் பதவி பறிக்கப்படும் பட்சத்தில், தற்காலிக சபாநாயகராகச் செயல்பட்ட அனுபவம் கொண்ட கருப்பையாவுக்குப் புதிய முக்கியப் பொறுப்புகள் வழங்கப்பட வாய்ப்புள்ளதா என்ற கோணத்திலும் அரசியல் விமர்சகர்கள் விவாதித்து வருகின்றனர்.

இதற்கிடையே, ஆளுங்கட்சி சட்டமன்ற உறுப்பினர்கள் சிலர் மீது எழுந்துள்ள பல்வேறு குற்றச்சாட்டுகள் மற்றும் புகார்கள் குறித்து முதலமைச்சர் விஜய் தீவிர கவனம் செலுத்தி வருவதாகக் கூறப்படுகிறது. கட்சி மற்றும் ஆட்சியின் நற்பெயரைக் காக்கும் நோக்கில், குற்றச்சாட்டுகளுக்கு உள்ளாகியுள்ள எம்.எல்.ஏ-க்களை நேரில் அழைத்து, அவர்களிடம் முதலமைச்சர் விஜய் நேரடியாகவே விசாரணை நடத்தி விளக்கம் கேட்கத் திட்டமிட்டுள்ளதாகவும் தகவல்கள் வெளியாகியுள்ளன.