CRIME
ஐயோ கடவுளே.. அக்காவைப் பார்க்க ஆசையாய் சென்ற 3 சகோதரிகள்.. நொடியில் பறிபோன ஒரே குடும்பத்தைச் சேர்ந்த 3 உயிர்.. நெஞ்சை உலுக்கும் பின்னணி..!!
அஸ்ஸாம் மாநிலம் கசிரங்கா மாவட்டத்தின் ரோங்கஜன் பாலம் அருகே, மினிபஸ்ஸும் கண்டெய்னர் லாரியும் நேருக்கு நேர் மோதிய கோர விபத்தில் 26 பேர் உயிரிழந்த நிலையில், அதில் ஒரே குடும்பத்தைச் சேர்ந்த மூன்று சிறுமிகளும் பலியான சம்பவம் பெரும் சோகத்தை ஏற்படுத்தியுள்ளது. நவம்பர் 13-ஆம் தேதி வெள்ளிக்கிழமை அன்று, புராபஹாரில் வசிக்கும் திருமணமான தங்களது மூத்த சகோதரியைப் பார்ப்பதற்காக 20 மற்றும் 16 வயதுடைய இரண்டு சகோதரிகளும், அவர்களது உறவினரும் பிற்பகல் 2.30 மணியளவில் டிராவலர் வாகனத்தில் புறப்பட்டுள்ளனர். ஆனால், அவர்கள் பயணத்தைத் தொடங்கிய சிறிது நேரத்திலேயே ரோங்கஜன் அருகே நிகழ்ந்த இந்தக் கொடூர விபத்தில், இரண்டு சகோதரிகள் சம்பவ இடத்திலேயே பரிதாபமாக உயிரிழந்தனர்; படுகாயங்களுடன் ஜோர்ஹாட் மருத்துவக் கல்லூரி மருத்துவமனையில் அனுமதிக்கப்பட்டிருந்த ‘லக்கி’ என்ற மூன்றாவது சிறுமியும் சனிக்கிழமை காலை சிகிச்சை பலனின்றி உயிரிழந்தார்.
இந்தத் துயரச் சம்பவத்தால் கசிரங்கா தேசிய பூங்கா உயர்நிலைப் பள்ளியில் 8 மற்றும் 9-ஆம் வகுப்புப் படித்து வந்த இரண்டு மாணவிகளை இழந்த அப்பள்ளியும், ஒட்டுமொத்த கிராமமும் மீளாத் துயரத்தில் மூழ்கியுள்ளது. உறவினரைச் சந்திக்கச் சென்றதால் அன்று பள்ளிக்கு விடுமுறை எடுத்திருந்த அந்தச் சிறுமிகள், மீண்டும் பள்ளிக்குத் திரும்பாமலேயே உயிரிழந்த செய்தி சக மாணவர்களையும் ஆசிரியர்களையும் நிலைகுலைய வைத்துள்ளது. இதனிடையே, அஸ்ஸாம் அமைச்சரவை அமைச்சர் அதுல் போரா சனிக்கிழமையன்று பாதிக்கப்பட்ட குடும்பத்தினரை நேரில் சந்தித்துத் தனது ஆழ்ந்த இரங்கலைத் தெரிவித்ததுடன், சாலைகளில் நிகழும் பொறுப்பற்ற வாகன இயக்கத்திற்கு எதிராகக் கடும் கவலைகளும் எழுந்துள்ளன.
