CRIME
“அடச்சீ மனுஷனான இவன்..?” ரயில் நிலையத்தில் இளம்பெண்ணைச் சீரழிக்க முயன்ற கொடூரன்.. அடுத்த நொடியே சக பயணிகள் செய்த காரியம்.. பதறவைக்கும் செல்போன் வீடியோ.. கொதிக்கும் இணையவாசிகள்..!!
அமெரிக்காவின் நியூயார்க் நகரில் உள்ள மன்ஹாட்டன் சுரங்கப்பாதை ரயில் நிலையத்தில், பட்டப்பகலில் 25 வயது இளம்பெண் ஒருவரிடம் இளைஞர் ஒருவர் பாலியல் அத்துமீறலில் ஈடுபட முயன்ற அதிர்ச்சிச் சம்பவம் பெரும் கொந்தளிப்பை ஏற்படுத்தியுள்ளது. சனிக்கிழமை காலை சுமார் 11 மணியளவில் மக்கள் நடமாட்டம் உள்ள ரயில் நிலையப் பகுதியில், அந்த நபர் இளம்பெண்ணைத் தாக்கிப் பாலியல் வன்கொடுமை செய்ய முயன்றுள்ளார்.
இந்தக் கொடூரச் செயலை அங்கிருந்த சக பயணிகள் மற்றும் வழிப்போக்கர்கள் நேரில் பார்த்து அதிர்ச்சியடைந்தனர். உடனடியாக அவர்கள் அந்த நபரின் அத்துமீறலைத் தடுத்து நிறுத்தியதுடன், சம்பவத்தைத் தங்கள் செல்போனில் வீடியோவாகப் பதிவு செய்தனர். அங்கிருந்த பொதுமக்கள் சரியான நேரத்தில் தலையிட்டு வீடியோ ஆதாரத்தைப் பதிவு செய்ததாலேயே, அந்த இளம்பெண் பெரும் ஆபத்திலிருந்து காப்பாற்றப்பட்டுள்ளார்.
பொது இடங்களில் பெண்களுக்குப் பாதுகாப்பு இல்லாத இத்தகைய சூழல் குறித்துச் சமூக வலைதளங்களில் கடும் கண்டனங்களும் விமர்சனங்களும் எழுந்துள்ளன. பட்டப்பகலில் சுரங்கப்பாதை ரயில் நிலையத்தில் நடந்த இந்தப் பயங்கரச் சம்பவத்தின் வீடியோ காட்சிகள் இணையத்தில் வெளியாகிப் பார்ப்போரைக் கொதிப்படையச் செய்துள்ளதுடன், பெண்களின் பாதுகாப்பு குறித்த கேள்விகளையும் மீண்டும் எழுப்பியுள்ளது.
