“ஐயோ கொடுமையே.. நடுரோட்டில் தார் கார்கள் செய்த ரேசிங்..!” தாய் மடியில் இருந்த குழந்தை… கண் இமைக்கும் நேரத்தில் நடந்த விபரீதம்.. பரபரப்பு பின்னணி..!!

தெலங்கானா மாநிலம் மகபூப்நகர் மாவட்டத்தின் பூத்பூர் நகராட்சி எல்லைக்குட்பட்ட அமிஸ்தாபூர் பகுதியில், இரண்டு மஹிந்திரா தார் சொகுசு கார்கள் ஒன்றுக்கொன்று அதிவேகமாகப் பந்தயத்தில் ஈடுபட்டபோது நேரிட்ட கொடூர விபத்தில் 40 வயது பெண் ஒருவர் சம்பவ இடத்திலேயே பரிதாபமாக உயிரிழந்தார். உயிரிழந்த ஷஹானா பேகம், தனது கணவர் ஷேக்கர் மற்றும் மகள் ஆயராவுடன் உறவினர் வீட்டுத் திருமணத்திற்குச் சென்றுவிட்டு மோட்டார் சைக்கிளில் வீடு திரும்பிக் கொண்டிருந்தபோது இந்த விபத்து நேரிட்டுள்ளது. இளைஞர்கள் ஓட்டி வந்த தார் கார்கள் மோதியதில் ஷேக்கரின் கைகள் மற்றும் கால்களில் முறிவு ஏற்பட்டு, அவரது நிலைமை தற்போது கவலைக்கிடமாக உள்ளது; தாயின் மடியில் இருந்த சிறுமி ஆயரா சிறு காயங்களுடன் அதிர்ஷ்டவசமாக உயிர் தப்பினார்.

விபத்து நடந்தவுடன் ஒரு தார் கார் சம்பவ இடத்திலிருந்து தப்பியோடிய நிலையில், மற்றொரு காரை அப்பகுதி பொதுமக்கள் துரத்திச் சென்று மடக்கிப் பிடித்தனர். தகவலறிந்து சம்பவ இடத்திற்கு விரைந்து வந்த காவல்துறையினர், விபத்து குறித்து வழக்குப் பதிவு செய்து தப்பியோடிய காரையும் அதை ஓட்டியவர்களையும் தீவிரமாகத் தேடி வருகின்றனர். பொதுச் சாலைகளில் பொறுப்பற்ற முறையிலும் அதிவேகமாகவும் கார்களை ஓட்டி, அப்பாவி மக்களின் உயிரைப் பணயம் வைக்கும் இத்தகைய இளைஞர்களின் செயல் அப்பகுதி பொதுமக்களிடையே பெரும் கொந்தளிப்பையும் அச்சத்தையும் ஏற்படுத்தியுள்ளது