திருமணமாகி ஆறே மாசம்… தூங்கும் போது கணவனுக்கு நேர்ந்த கொடூரம்.. விடிந்ததும் மாயமான மனைவி… பின்னணியில் இருக்கும் பகீர் உண்மை..!!

கர்நாடக மாநிலம் விஜயப்புரா மாவட்டம் முத்தேபிஹால் தாலுகாவில் உள்ள ருடகி கிராமத்தில், திருமணமாகி ஆறே மாதங்களான கணேஷ் பசப்பா (27) என்ற வாலிபர் அவரது சொந்த வீட்டிலேயே கொடூரமாகக் கொலை செய்யப்பட்டுள்ளார். கடந்த அக்டோபர் 21ஆம் தேதி அதிகாலை, கணேஷ் பசப்பா தனது வீட்டில் தூங்கிக் கொண்டிருந்தபோது, மர்ம நபர்களால் கத்தியால் கழுத்தறுக்கப்பட்டுப் படுகொலை செய்யப்பட்டுள்ளார். இந்த அதிர்ச்சி சம்பவத்திற்குப் பிறகு, அவரது மனைவி அக்சதா மற்றும் அவரது கள்ளக்காதலன் என்று சந்தேகிக்கப்படும் ஒரு நபர் ஆகிய இருவரும் கிராமத்தில் இருந்து திடீரென மாயமாகியுள்ளனர். இது திட்டமிடப்பட்ட கள்ளக்காதல் படுகொலை என்பதை போலீசாரின் முதற்கட்ட விசாரணை உறுதிப்படுத்தியுள்ளது.

கொல்லப்பட்ட கணேஷின் சகோதரர் சுரேஷ் போலீசாரிடம் அளித்துள்ள புகாரில், அக்சதா தினமும் ஒரு நபருடன் மொபைல் போனில் நீண்ட நேரம் பேசி வந்ததாகத் தெரிவித்துள்ளார். இதனை கணேஷ் பலமுறை கண்டித்துக் கேள்வி எழுப்பியபோது, அக்சதா அவருக்குக் கொலை மிரட்டல் விடுத்ததாகவும் சுரேஷ் குறிப்பிட்டுள்ளார். இந்த வாக்குவாதத்தின் உச்சக்கட்டமாகவே, அக்சதா தனது கள்ளக்காதலனுடன் சேர்ந்து கணேஷை தூங்கும்போதே தீர்த்துக்கட்டியுள்ளார். தற்போது தலைமறைவாக உள்ள மனைவி அக்சதா மற்றும் அவரது கள்ளக்காதலனைப் பிடிக்க முத்தேபிஹால் போலீசார் தனிப்படை அமைத்துத் தீவிரமாகத் தேடி வருகின்றனர்.