“என் சகோதரனின் கொலைக்கு நீதி வேணும்..!” கலெக்டர் ஆபீஸையே அதிரவைத்த இளைஞரின் விபரீத முடிவு.. அலறியடித்து ஒடிய மக்கள்.. வைரலாகும் ஷாக்கிங் வீடியோ..!1

உத்தரப் பிரதேச மாநிலம் ஃபதேபூரில், தனது சகோதரனின் கொலை வழக்கில் உரிய நீதி கிடைக்காததால் மனமுடைந்த தலித் வாலிபர் ஒருவர், ஆட்சியர் அலுவலக வளாகத்தில் டீசலை ஊற்றித் தீக்குளிக்க முயன்ற சம்பவம் பெரும் பரபரப்பை ஏற்படுத்தியுள்ளது. அவர் தன் மீது டீசலை ஊற்றிய உடனே, அங்கிருந்த பொதுமக்களிடையே பெரும் கூச்சலும் குழப்பமும் நிலவியது. அங்கிருந்த போலீசார் மற்றும் பாதுகாப்புப் படையினர் பெரும் போராட்டத்திற்குப் பிறகு, அந்த இளைஞரைத் தடுத்து நிறுத்திப் பெரும் அசம்பாவிதத்தைத் தவிர்த்தனர்.

பாதிக்கப்பட்ட அந்த தலித் வாலிபர், தனது சகோதரர் படுகொலை செய்யப்பட்ட வழக்கில் காவல்துறையினர் மற்றும் நிர்வாகத் தரப்பில் உரிய நடவடிக்கை எடுக்கப்படவில்லை என்றும், தங்களுக்கு நீதி மறுக்கப்படுவதாகவும் குற்றம் சாட்டியுள்ளார். ஆட்சியர் அலுவலகத்தில் அரங்கேறிய இந்தத் தீக்குளிப்பு முயற்சிச் சம்பவத்தைத் தொடர்ந்து, அங்கு பாதுகாப்பு பலப்படுத்தப்பட்டுள்ளதுடன், அந்த இளைஞரின் புகார் குறித்து உயர்மட்ட விசாரணை நடத்த அதிகாரிகள் உத்தரவிட்டுள்ளனர்