40 வயதில் வேலை போனா வாழ்க்கையே போச்சா..? அப்படியெல்லாம் இல்லீங்க… நபர் வெளியிட்ட பரபரப்பு வீடியோ.. இணையவாசிகள் ஷாக்..!!

கார்ப்பரேட் உலகில் 18 ஆண்டுகள் தலைமைப் பொறுப்புகளில் பணியாற்றிய 40 வயது நபர் ஒருவர், வேலையிலிருந்து நீக்கப்பட்ட பிறகு தனது அனுபவத்தை இன்ஸ்டாகிராமில் வீடியோவாகப் பகிர்ந்துள்ளார். பொதுவாக 40 வயதில் வேலை பறிபோவது EMI, குடும்பச் செலவுகள் மற்றும் எதிர்கால கவலைகளைத் தரும் பெரிய அதிர்ச்சியாகப் பார்க்கப்படும் நிலையில், இவர் லே-ஆஃப் என்பதை வாழ்க்கையின் கண்ணைத் திறக்கும் ஒரு ‘ரீசெட் பட்டன்’ என முற்றிலும் வித்தியாசமான, நேர்மறையான கோணத்தில் அணுகியுள்ளார்.

வேலை இழப்பினால் தனக்குக் கிடைத்த 3 முக்கிய பாடங்களை அவர் பட்டியலிட்டுள்ளார்:மாத இறுதியில் சம்பளம் வருவது நின்றவுடன் போலியான உறவுகள் விலகிவிடும். உண்மையான நண்பர்கள் மட்டுமே நேரில் சந்தித்து நலம் விசாரிப்பார்கள்; மற்றவர்கள் வெறும் ஒரு வரி மெசேஜுடன் கடந்து சென்றுவிடுவார்கள். வங்கி கணக்கில் பணம் இல்லாதபோதுதான் ஆடம்பரக் காட்டமைப்பிற்கும் உண்மையான தேவைகளுக்கும் உள்ள வித்தியாசம் புரிகிறது. இது தேவையில்லாத செலவுகளைக் கட்டுப்படுத்தி நிதி நிலைமையைப் புரிந்துகொள்ள உதவுகிறது. கார்ப்பரேட் வேலையும் அதன் பாதுகாப்பும் ஒரு மாயை என்பதை உணர்ந்து கொண்டால், சிறிய விஷயங்களுக்காக வீணாக மன அழுத்தம் அடைவது நின்றுவிடும்.

https://www.instagram.com/reel/DbulKiSCdGr/?utm_source=ig_web_button_share_sheet

இந்த வீடியோ சமூக வலைதளங்களில் வைரலானதைத் தொடர்ந்து, பலரும் அவருடைய இந்த முற்போக்கான மற்றும் தெளிவான சிந்தனையைப் பாராட்டி கருத்து தெரிவித்து வருகின்றனர். வேலை இழப்பு என்பது தொடக்கத்தில் வலிமிகுந்த அனுபவமாக இருந்தாலும், அது கற்றுத் தரும் வாழ்க்கைப் பாடங்கள் ஆயுள் முழுவதும் பயனுள்ளதாக இருக்கும் என நெட்டிசன்கள் பதிவிட்டு வருகின்றனர்.