பயணிகள் அலறிய தீபாவளி காலை.. அதிவேக வந்தே பாரத் ரயில் மீது மர்ம நபர்கள் கொடூர தாக்குதல்.. சுக்குநூறாக உடைந்த இரட்டை அடுக்கு கண்ணாடிகள்.. பரபரப்பு சம்பவம்..!!

பர்மதி – வெராவல் வந்தே பாரத் விரைவு ரயில் மீது தீபாவளி பண்டிகை நாளான நவம்பர் 8ஆம் தேதி காலையில் மர்ம நபர்கள் கற்களை வீசி தாக்குதல் நடத்தியுள்ளனர். அம்ரேலி மாவட்டத்தின் கிஜாடியா மற்றும் சிட்டல் ரயில் நிலையங்களுக்கு இடையே ரயில் சென்று கொண்டிருந்தபோது இந்த அதிர்ச்சிச் சம்பவம் நிகழ்ந்துள்ளது. இந்தத் தாக்குதலில் ரயிலின் E2 பெட்டியில், 9 மற்றும் 10ஆம் எண் இருக்கைகளுக்கு அருகே இருந்த ஜன்னல் கண்ணாடி முழுவதுமாக உடைந்து சேதமடைந்துள்ளது.

வந்தே பாரத் ரயில்களில் பயணிகளின் பாதுகாப்பிற்காக மிகவும் வலுவான இரட்டை அடுக்கு கண்ணாடிகள் பயன்படுத்தப்படுகின்றன. வழக்கமாக கல்வீச்சு சம்பவங்களின் போது வெளிப்புறக் கண்ணாடி மட்டுமே பாதிக்கப்படும். ஆனால், இந்தச் சம்பவத்தில் ஜன்னலின் உள்புறம் மற்றும் வெளிப்புறம் என இரண்டு அடுக்கு கண்ணாடிகளும் உடைந்திருப்பது ரயில்வே அதிகாரிகளிடையே பெரும் அதிர்ச்சியை ஏற்படுத்தியுள்ளது. கல் மோதிய கோணமும், அந்த நேரத்தில் ரயிலின் அதிவேகமும் சேர்ந்தே இந்த பலத்த சேதத்திற்குக் காரணம் என மேற்கு ரயில்வேயின் பாவ்நகர் கோட்டப் பாதுகாப்பு ஆணையர் அஜய் சர்மா தெரிவித்துள்ளார்.

குஜராத்தில் கடந்த நான்கு மாதங்களில் வந்தே பாரத் ரயில்கள் மீது நடத்தப்படும் மூன்றாவது கல்வீச்சுத் தாக்குதல் இதுவாகும். இதற்கு முன்பு ஆகஸ்ட் மற்றும் அக்டோபர் மாதங்களில் மும்பை – அகமதாபாத் வந்தே பாரத் ரயில் மீது சூரத் பகுதியில் கல்வீச்சு சம்பவங்கள் நடந்தன. பிரதமர் நரேந்திர மோடியால் 2025 மே மாதம் தொடங்கி வைக்கப்பட்ட இந்த சபர்மதி – வெராவல் ரயிலில், பண்டிகைக் காலத்தில் பயணிகளின் பாதுகாப்பைக் கேள்விக்குறியாக்கியுள்ள இச்சம்பவம் குறித்து ரயில்வே பாதுகாப்புப் படையினர் தீவிர விசாரணை நடத்தி வருகின்றனர்