“வலிப்பு வந்ததா..? நச்சு தாக்குதலா..? நேபாளத்தில் துடித்துச் சரிந்த சிறுத்தை… நெஞ்சை பதறவைக்கும் வைரல் வீடியோ..!!”

நேபாளத்தின் அச்சாம் மாவட்டத்தில் உள்ள ஒரு மலைப் பாதையில் சிறுத்தை ஒன்று திடீரென தள்ளாடி, உடல்கட்டுப்பாட்டை இழந்து துடிக்கும் அதிர்ச்சிகரமான வீடியோ சமூக வலைத்தளங்களில் வைரலாகி வருகிறது. சாலையில் அமைதியாக அமர்ந்திருந்த அந்த சிறுத்தை, திடீரென விசித்திரமான முறையில் நடந்துகொள்ளத் தொடங்குவது அப்பகுதியில் இருந்த மக்களை ஆச்சரியத்திலும் பயத்திலும் ஆழ்த்தியது.

அந்த வீடியோவில், சிறுத்தையின் உடல் முழுமையாக பலமாக நடுங்கத் தொடங்குவதும், அதன் வால் விறைத்துப்போய் முகம் தரையைத் தொடுவதும் தெளிவாகப் பதிவாகியுள்ளது. சில நொடிகளிலேயே தனது உடலின் கட்டுப்பாட்டை முற்றிலும் இழந்த அந்தச் சிறுத்தை, சரிவான பாதையில் உருண்டு கீழே இருந்த புதர்களுக்குள் போய் விழுகிறது. புதரில் விழுந்த பிறகும் கூட, அந்தச் சிறுத்தை தொடர்ந்து துடித்துக்கொண்டே இருக்கும் காட்சிகள் பார்ப்போரை உறைய வைக்கின்றன.

https://www.instagram.com/reel/DbP-BIYjwO6/?utm_source=ig_web_button_share_sheet

இன்ஸ்டாகிராமில் ‘sushilkhadka1’ என்ற பயனர் பகிர்ந்த இந்த வீடியோவை இதுவரை 20 லட்சத்திற்கும் அதிகமானோர் பார்த்துள்ளனர். வனவிலங்குகளுக்கும் மனிதர்களைப் போல வலிப்பு நோய் வருமா என்று நெட்டிசன்கள் வியப்புடன் கேள்வி எழுப்பி வருகின்றனர். மேலும், கிராம மக்கள் ஏதேனும் நச்சுப் பொருளை அதற்குத் தந்திருக்கலாம் அல்லது ஏதேனும் விஷப் பாம்பு கடித்ததால் சிறுத்தைக்கு இந்த நிலை ஏற்பட்டிருக்கலாம் என்றும் பல்வேறு கருத்துகளை நெட்டிசன்கள் தெரிவித்து வருகின்றனர்.