“திமுக – டி.கே.சிவக்குமார் இடையே ரகசியக் கூட்டணியா..?” அமைச்சர் நிர்மல்குமார் போட்ட அதிரடி குண்டு.. எகிறும் அரசியல் களம்..!!

கர்நாடக முதல்வர் டி.கே. சிவக்குமாருக்கும் திமுக குடும்பத்திற்கும் கட்சியைத் தாண்டி நெருங்கிய உறவு இருப்பதாகத் தமிழக வெற்றிச் கழகத்தின் அமைச்சர் நிர்மல்குமார் குற்றம்சாட்டியுள்ளார். காங்கிரஸ் தலைமையின் பேச்சைக் கேட்பதை விட திமுக தலைமையின் விருப்பத்திற்கேற்பவே டி.கே. சிவக்குமார் செயல்படுவதாகவும், இதன்மூலம் இரு தரப்பிற்கும் இடையேயான பிணைப்பு வெட்ட வெளிச்சமாகியுள்ளது என்றும் அவர் தெரிவித்தார். காவிரி விவகாரத்தில் சுமுகத் தீர்வு காணத் தமிழக முதல்வர் விஜய் முயற்சித்து வரும் வேளையில், அவருக்கு நல்ல பெயர் கிடைத்துவிடக் கூடாது என்பதற்காகவே திமுக முட்டுக்கட்டையாகச் செயல்படுகிறது என்றும் அவர் சுட்டிக்காட்டினார்.

கடந்த 30 ஆண்டுகளாகக் காவிரிப் பிரச்சினையில் தமிழகத்திற்குத் தொடர் பின்னடைவுகளை ஏற்படுத்தியதற்குத் திமுகவே காரணம் எனச் சாடிய அமைச்சர் நிர்மல்குமார், தற்போதும் அதே குழப்பமான அரசியலையே அவர்கள் செய்துவருவதாகக் கூறினார். தமிழக மக்களின் உரிமைகளைப் பாதுகாக்கும் பொருட்டு, முதல்வரின் உத்தரவின் பேரில் உச்ச நீதிமன்றத்தில் வழக்கு தொடரப்படும் என்றும் அவர் உறுதி அளித்தார். திமுகவும் கர்நாடக முதல்வரும் இணைந்துகொண்டு தமிழக அரசின் நடவடிக்கைகளுக்கு முட்டுக்கட்டை போடும் தரம் கெட்ட அரசியலில் ஈடுபட்டு வருவதாகவும் அவர் தனது உரையில் கடுமையாகக் விமர்சித்தார்.