“அழ வைத்த நாயகன்” விஜய்யின் ‘ஜனநாயகன்’ பார்த்து கதறி அழுத தவெக அமைச்சர்கள்… இணையத்தில் வைரல் வீடியோ..!!

தமிழக முதலமைச்சர் விஜய்யின் கடைசி திரைப்படமான ‘ஜனநாயகன்’ இன்று உலகமெங்கும் வெளியாகியுள்ள நிலையில், அதனைத் திரையரங்குகளில் பார்த்த அமைச்சர்கள் மற்றும் மாவட்டச் செயலாளர்கள் உள்ளிட்ட தவெகவினர் உணர்ச்சிவசப்பட்டு கண்ணீர் சிந்திய காட்சிகள் இணையத்தில் காட்டுத்தீயாய் பரவி வருகின்றன. படத்தின் உணர்வுபூர்வமான காட்சிகள் மற்றும் முதலமைச்சரின் அரசியல் பயணக் குறியீடுகள் தொண்டர்களையும் நிர்வாகிகளையும் நெகிழச் செய்துள்ளன. முதலில் தமிழக அமைச்சர் பர்வேஸ் திரையரங்கில் கண்கலங்கி அழும் வீடியோ வெளியாகி வைரலானதைத் தொடர்ந்து, மற்ற அமைச்சர்களும் அடுத்தடுத்து அழுதபடி திரையரங்குகளை விட்டு வெளியேறும் காட்சிகள் தவெக தொண்டர்களிடையே பெரும் நெகிழ்ச்சியை ஏற்படுத்தியுள்ளது.

நடிகராக இருந்து அரசியல் தலைவராக உருவெடுத்துள்ள முதலமைச்சர் விஜய்யின் திரைத்துறையின் இறுதிப் படைப்பு என்பதால், தமிழகம் முழுவதும் இந்தத் திரைப்படத்திற்குத் திருவிழா போன்ற கொண்டாட்டங்கள் முன்னெடுக்கப்பட்டு வருகின்றன. ‘அழ வைத்த ஜனநாயகன்’ என்ற தலைப்பில் வெளியாகியுள்ள இந்தச் செய்தித் தொகுப்பு, தவெக அமைச்சரவை மற்றும் நிர்வாகிகளின் உணர்ச்சிப் பெருக்கைக் காட்டுவதுடன் சமூக வலைத்தளங்களில் விவாதப் பொருளாகவும் மாறியுள்ளது.