CRIME
“என் மனைவி ஆற்றில் குதித்திச்சிட்டா” 11 நாட்களுக்குப் பின் ஏரியில் சடலமாக மீட்கப்பட்ட கர்ப்பிணி டாக்டர்… கணவன் சொன்ன புகாரில் அடுத்தடுத்து வெளியான திடுக்கிடும் உண்மைகள்..!!
கர்நாடகா மாநிலம் ஹாசன் மாவட்டத்தில் கடந்த 11 நாட்களுக்கு முன்பு மர்மமான முறையில் காணாமல் போன பிரியங்கா என்ற புதுப்பெண்ணின் சடலம், தும்கூர் மாவட்டத்தின் கொலால் கிராம ஏரியிலிருந்து மீட்கப்பட்டுள்ளது. கடந்த செப்டம்பர் 19-ஆம் தேதி இரவு தனது கணவர் ராஜசேகருடன் காரில் பயணம் செய்தபோது பிரியங்கா திடீரென மாயமானார். அவர் ஹேமாவதி கால்வாயில் குதித்துவிட்டதாகக் கணவர் கூறியதைத் தொடர்ந்து, போலீசார் ட்ரோன் கேமராக்கள் மற்றும் முத்துக்குளிப்பவர்களைக் கொண்டு தீவிரத் தேடுதல் வேட்டை நடத்தி வந்தனர்.
உயிரிழந்த பிரியங்காவிற்குத் திருமணமாகி வெறும் 8 மாதங்களே ஆகும் நிலையில், அவர் இரண்டரை மாதக் கர்ப்பிணியாக இருந்தார். மேலும் அவர் கர்நாடக நிர்வாக சேவை தேர்வுக்காகத் தீவிரமாகப் படித்து வந்துள்ளார். பிரியங்காவின் பெற்றோர் அவரது கணவர் குடும்பத்தினர் மீது கடுமையான வரதட்சணைக் கொடுமை மற்றும் கொலைக் குற்றச்சாட்டுகளை முன்வைத்துள்ளனர். மருத்துவமனைக்கு அழைத்துச் செல்வதாகக் கூறி ராஜசேகர் தான் பிரியங்காவைக் கொன்று கால்வாயில் வீசியுள்ளார் என்றும், பிரியங்காவிற்கு நன்றாக நீச்சல் தெரியும் என்பதால் அவர் நீரில் மூழ்க வாய்ப்பில்லை என்றும் அவர்கள் வாதிடுகின்றனர்.
மறுபுறம், பிரியங்காவின் கணவர் ராஜசேகர் தரப்பினர் காவல் நிலையத்தில் முற்றிலும் மாறுபட்ட ஒரு புகாரை அளித்துள்ளனர். பிரியங்காவிற்கு ஏற்கனவே ஒருவருடன் திருமணமாகியிருந்த விபரத்தைப் பெற்றோர் மறைத்துத் தனக்கு ஏமாற்றித் திருமணம் செய்து வைத்ததாகக் குறிப்பிட்டுள்ளார். திருமண நாளன்றே பிரியங்காவின் முதல் கணவர் போலீசாருடன் திருமண மண்டபத்திற்கு வந்ததாகவும், அதன்பின்னர் பிரியங்காவை மிரட்டித் தான் தன்னுடனான திருமணத்திற்கு அவரது பெற்றோர் சம்மதிக்க வைத்தனர் என்றும் கணவர் தரப்பில் குற்றம்சாட்டப்படுகிறது.
இரு தரப்பினரும் பரஸ்பரம் மாறி மாறிப் புகார்களை அடுக்கிக் கொள்வதால், இந்தப் பிரசவ காலப் பெண்ணின் மரணம் பெரும் புதிராக நீடித்து வருகிறது. தற்போது பிரியங்காவின் சடலத்தைக் கைப்பற்றியுள்ள போலீசார், அதனைப் பிரேதப் பரிசோதனைக்காக அனுப்பி வைத்துள்ளனர். பிரேதப் பரிசோதனை அறிக்கை மற்றும் தடய அறிவியல் சோதனைகளின் முடிவுகள் வெளிவந்த பிறகுதான், இது தற்கொலையா அல்லது திட்டமிட்ட கொலையா என்ற உண்மை தெரியவரும் என்பதால் போலீசார் தங்களின் விசாரணையைத் தீவிரப்படுத்தியுள்ளனர்
