“என் அம்மாவிடம் எவ்வளவு கொடுத்தீங்க..?” சிறுவன் கேட்ட அந்த ஒரு கேள்வி.. மாட்டிக்கொண்டதும் ஊழியர் செய்த காரியத்தை பாருங்க.. பஞ்சாப் நேஷனல் வங்கியில் நடந்த கூத்து.. இணையத்தில் வைரலாகும் ஷாக் வீடியோ..!!

உத்தரப் பிரதேச மாநிலம் பதேபூரில் உள்ள பஞ்சாப் நேஷனல் வங்கியின் மினி கிளையில், முதியவர்களை ஏமாற்றிப் பணத்தைக் கையாடல் செய்ய முயன்ற வங்கி ஊழியரின் வீடியோ இணையத்தில் வெளியாகி பெரும் பரபரப்பை ஏற்படுத்தியுள்ளது. வங்கிக்கு வந்த சிறுவன் ஒருவன் அங்கிருந்த ஊழியரிடம், “இப்போதுதான் என் அம்மா இங்கிருந்து பணம் எடுத்துச் சென்றார், அவரிடம் எவ்வளவு பணம் கொடுத்தீர்கள்?” என்று கேட்டுள்ளார். உடனே அந்த ஊழியர் தாயின் பெயரைக் குறிப்பிட்டுப் படிவத்தைச் சரிபார்த்துவிட்டு, அதில் ரூ.2,100 என்று எழுதப்பட்டிருப்பதாகக் கூறியுள்ளார். ஆனால், தான் மாட்டிக்கொண்டதை உணர்ந்த அந்த ஊழியர், அது தவறுதலாக நடந்துவிட்டது எனக் கூறிச் சிரித்து மழுப்ப முயன்றுள்ளார்.

இருப்பினும், அந்த ஊழியர் செய்தது தற்செயலான தவறா அல்லது திட்டமிட்ட மோசடியா என்று அந்தச் சிறுவன் தொடர்ந்து கேள்விகளை எழுப்பிக் கண்டித்துள்ளார். நிலைமை மோசமாவதை உணர்ந்த அந்த வங்கி ஊழியர், உடனடியாகச் சிறுவனிடம் மேலும் ஒரு ரூ.100 நோட்டை எடுத்து நீட்டியுள்ளார். இந்த முறைகேட்டைத் தன் மொபைல் போனில் வீடியோ எடுத்து சமூக வலைதளங்களில் அம்பலப்படுத்தப் போவதாகச் சிறுவன் கூறியபோது, அந்த ஊழியர் வீடியோ எடுக்கக் கூடாது என கடும் எதிர்ப்புத் தெரிவித்துள்ளார். ஆனால், அதையெல்லாம் பொருட்படுத்தாமல் சிறுவன் அந்தச் சம்பவத்தை முழுமையாக வீடியோவாகப் பதிவு செய்து இணையத்தில் பதிவேற்றவே, தற்பொழுது அந்த வீடியோ காட்டுத்தீயாகப் பரவி வருகிறது.

இந்த அதிர்ச்சிச் சம்பவம் நமது சமூகத்தில் வாழும் முதியவர்களின் பாதுகாப்பு குறித்த தீவிரமான கேள்வியையும் அச்சத்தையும் எழுப்பியுள்ளது. நமது சமூகத்தில் உள்ள பல முதியவர்களால் எழுதப் படிக்க முடிவதில்லை அல்லது மொபைல் போன்களைச் சரியாகப் பயன்படுத்தத் தெரிவதில்லை என்பதால், அவர்கள் இதுபோன்ற பண மோசடிகளுக்கு எளிதில் இலக்காகி விடுகின்றனர். தங்களது கடின உழைப்பின் மூலம் சேர்த்த சேமிப்புப் பணத்தை முழுமையாக நம்பி வங்கிகளில் ஒப்படைக்கும் முதியவர்களின் நம்பிக்கையை இதுபோன்ற ஊழியர்கள் துஷ்பிரயோகம் செய்யக் கூடாது என்றும், ஒவ்வொரு வாடிக்கையாளருக்கும் நேர்மை மற்றும் வெளிப்படைத்தன்மையுடன் கூடிய சேவை வழங்கப்பட வேண்டும் என்றும் சமூக ஆர்வலர்கள் வலியுறுத்தி வருகின்றனர்.