LATEST NEWS
EPS இடத்திற்கு வர வேண்டியவர் யார் தெரியுமா..? ஜெயலலிதா வீட்டிற்கு அவரை வரவிடாம தடுத்திட்டாங்க… நெல்லையில் வைகோ உடைத்த ரகசியம்..!!
திருநெல்வேலியில் நவம்பர் 16, 2026 அன்று நடைபெற்ற மதிமுக நிர்வாகி இல்ல விழாவில் கலந்துகொண்டு பேசிய மதிமுக பொதுச்செயலாளர் வைகோ, பாஜக தலைவர் நயினார் நாகேந்திரனின் அரசியல் பயணம் குறித்துப் புகழ்ந்து பேசியுள்ளார். அதிமுகவின் முதன்மைத் தலைவர்களில் ஒருவராக இருந்த நயினார் நாகேந்திரன், அக்கட்சியில் தற்போது எடப்பாடி பழனிசாமி இருக்கும் உயர்ந்த இடத்திற்கு வரவேண்டியவர் என்று வைகோ தெரிவித்துள்ளார்.
கடந்த கால நிகழ்வுகளை நினைவுகூர்ந்த வைகோ, முன்னாள் முதலமைச்சர் ஜெயலலிதாவிற்கு 50 லட்சம் ரூபாய் மதிப்பில் மாளிகை கட்டிக்கொடுத்தவர் நயினார் நாகேந்திரன் என்று குறிப்பிட்டார். ஆனால், அவரைப் பற்றி ஜெயலலிதாவிடம் தவறான தகவல்களைக் கூறி, அவரது வீட்டிற்கு வரவிடாமல் சிலர் தடுத்துவிட்டதாக வைகோ தெரிவித்துள்ளார்.
அதிமுகவின் உயர்ந்த இடத்திற்கு வரவேண்டிய நயினார் நாகேந்திரன் தற்போது பாஜகவின் முக்கியப் பொறுப்புக்குச் சென்றுள்ளதாகவும், அவர் மத்திய அமைச்சர் உள்ளிட்ட உயர் பதவிகளுக்கு வர வேண்டும் எனத் தாம் வாழ்த்துவதாகவும் வைகோ அந்த விழாவில் பேசியுள்ளார்
