“என்னை விட்ருங்க.. கொல்லாதீங்க..!” கைகூப்பிக் கெஞ்சியும் விடாத அரக்கன்.. ஓட ஓட வேட்டையாடப்பட்ட இளம் பெண்கள்.. இணையத்தில் தீயாய் பரவும் வீடியோ..!!

அக்டோபர் 7 தாக்குதலின் போது காசாவைச் சேர்ந்த பாலஸ்தீனிய ஆயுததாரிகளால் இரண்டு இளம் பெண்கள் இரக்கமின்றி வேட்டையாடப்பட்ட நெஞ்சைப் பதறவைக்கும் கொடூரமான காணொளிக் காட்சிகள் சமூக வலைத்தளங்களில் வெளியாகி ஒட்டுமொத்த உலகையும் அதிர்ச்சியில் ஆழ்த்தியுள்ளன. தங்களின் உயிரைக் காப்பாற்றிக் கொள்ள அந்த இளம் பெண்கள் அசுர வேகத்தில் ஓடித் தப்பிக்கப் போராடிய நிலையில், துரத்தி வந்த ஆயுததாரி முதல் பெண்ணை முதுகில் மிகக் கொடூரமாகச் சுட்டுக் கொன்றான். இதனைத் தொடர்ந்து ஓட வழியின்றி உறைந்துபோன இரண்டாவது பெண், செய்வதறியாது திரும்பித் தம்மைக் கொல்ல வேண்டாம் என்று அவனிடம் கைகூப்பித் துடிதுடித்துக் கெஞ்சியுள்ளார்.

ஆனால், அந்தப் பெண்ணின் மரணக் ஓலத்திற்கோ அல்லது கெஞ்சலுக்கோ சிறிதும் செவிசாய்க்காத அந்த ஆயுததாரி, எவ்வித தயக்கமுமின்றி அவளையும் சுட்டுக் கொன்று தனது அசுரத்தனமான கொடூரத்தை அரங்கேற்றியுள்ளான். இந்த மனிதநேயமற்ற கோரச் சம்பவம், அக்டோபர் 7 அன்று இஸ்ரேல் மக்கள் மீது நிகழ்த்தப்பட்ட மிகக் கொடூரமான தாக்குதல்களின் கோர முகத்தை மீண்டும் உலகிற்கு அம்பலப்படுத்தியுள்ளது. உலக வரலாற்றில் என்றும் மறக்க முடியாத ஒரு கருப்பு நாளாக மாறியுள்ள இச்சம்பவத்தின் கொடூரமான காணொளிகள், தற்பொழுது இணையத்தில் வைரலாகி மனித உரிமை ஆர்வலர்களிடையே பெரும் கொந்தளிப்பையும் கண்டனங்களையும் ஏற்படுத்தி வருகின்றன.