“1 இல்ல 2 இல்ல 40” வயிற்றில் கட்டி என நினைத்த மருத்துவர்கள்.. எண்டோஸ்கோப்பியில் வெளிவந்த 40 கத்திகள் – அதிர்ச்சியில் உறைந்த மருத்துவ உலகம்..!!

42 வயது நபர் ஒருவர் கடுமையான வயிற்று வலி, உடல் பலவீனம் மற்றும் பசியின்மை போன்ற காரணங்களால் மருத்துவமனையில் அனுமதிக்கப்பட்டார். அவரது வயிற்றைப் பரிசோதித்த மருத்துவர்கள், அங்கு ஒரு பெரிய கட்டி இருக்கலாம் என்று முதலில் சந்தேகித்தனர். ஆனால், அவருக்குச் செய்யப்பட்ட எண்டோஸ்கோப்பி பரிசோதனையில், அவரது வயிற்றுக்குள் கத்தி இலைகள் இருப்பது கண்டறியப்பட்டு மருத்துவர்கள் அதிர்ச்சியடைந்தனர். அந்த நபர் கடந்த இரண்டு மாதங்களாகத் தொடர்ந்து கத்திகளை விழுங்கி வந்ததாகத் தெரியவந்தது.

இதனைத் தொடர்ந்து, ஐந்து மருத்துவர்கள் கொண்ட குழுவினர் ஐந்து மணி நேரம் நீண்ட ஒரு சிக்கலான அறுவை சிகிச்சையை மேற்கொண்டனர். இந்த அறுவை சிகிச்சையின் போது முதலில் அவரது வயிற்றிலிருந்து 28 கத்திகள் அகற்றப்பட்டன. அதன் பின்னரும் தொடர்ந்து தேடிய மருத்துவர்கள், மேலும் 12 கத்திகளைக் கண்டெடுத்தனர். ஒட்டுமொத்தமாக அவரது வயிற்றிலிருந்து 40 கத்திகள் வெற்றிகரமாக அகற்றப்பட்டன. தற்போது அந்த நபர் ஆபத்தான கட்டத்தைத் தாண்டி, மனநல ஆலோசனை பெற்று நலமுடன் குணமடைந்து வருகிறார்.