“அம்மன் சிலை மீது கை வைப்பதா..?” கோயிலுக்குள் நுழைந்த முகமது அன்சாரி… சந்நிதானத்தில் அவர் செய்த காரியத்தால் கொதித்தெழுந்த மக்கள்.. ஷாக்கிங் வீடியோ..!!

ஹைதராபாத் தில்சுக்நகரில் உள்ள சந்தோஷி மாதா கோயிலில், முகமது அன்சாரி என்ற நபரால் நடத்தப்பட்ட அநாகரிகத் தாக்குதல் மற்றும் விக்கிரக அவமதிப்புச் சம்பவத்திற்குப் பாஜக உள்ளிட்ட பல்வேறு தரப்பினர் தங்களது பலத்த கண்டனங்களைப் பதிவு செய்து வருகின்றனர். கோயிலுக்குள் புகுந்து மத முழக்கங்களை எழுப்பியவாறு, அங்கிருந்த பூசாரி மீது தாக்குதல் நடத்தியதுடன் அம்மன் விக்கிரகத்தைக் கம்புகளால் அடித்துச் சேதப்படுத்த முயன்ற அந்த நபரை அங்கிருந்த பக்தர்கள் உடனடியாக மடக்கிப் பிடித்துக் காவல் துறையினரிடம் ஒப்படைத்தனர். இந்தச் சம்பவம் தொடர்பாகச் சைதன்யபுரி போலீசார் வழக்குப் பதிவு செய்து குற்றவாளியைக் கைது செய்துள்ள நிலையில், முதற்கட்ட விசாரணையில் அந்த நபர் மனநலச் சிகிச்சை பெற்று வருவதாகப் போலீசார் தரப்பில் தெரிவிக்கப்பட்டுள்ளது.

இருப்பினும், இந்தச் சம்பவத்தைத் தொடர்ந்து தெலங்கானாவில் உள்ள காங்கிரஸ் அரசை நோக்கி எதிர்க்கட்சியினர் மற்றும் இந்து அமைப்புகள் கடுமையான விமர்சனங்களை முன்வைக்கத் தொடங்கியுள்ளனர். மாநிலத்தில் தொடர்ந்து இந்து வழிபாட்டுத் தலங்கள் மீது நடத்தப்படும் தாக்குதல்கள், ரேவந்த் ரெட்டி தலைமையிலான காங்கிரஸ் அரசின் பாதுகாப்புத் தோல்வியையும் அலட்சியப் போக்கையும் காட்டுவதாகப் பாஜக தலைவர்கள் குற்றம் சாட்டுகின்றனர். ஓட்டு வங்கி அரசியலுக்காகவும் குறிப்பிட்ட சமூகத்தினரைத் திருப்திப்படுத்துவதற்காகவும் அரசு இந்தச் சம்பவத்தில் மௌனம் காப்பதாகவும், இதனைத் தெலங்கானா மக்கள் ஒருபோதும் ஏற்றுக்கொள்ள மாட்டார்கள் என்றும் கூறி தங்களது கடுமையான எதிர்ப்புகளைத் தெரிவித்து வருகின்றனர்.