“முட்ட கலக்கி” மிரட்டல் வெற்றி…! 100 நாட்களில் 10 கோடி பார்வைகள்…. கென் கருணாஸின் அசுர வேட்டை…!!

நடிகர் கருணாஸின் மகன் கென் கருணாஸ் இயக்கி, கதாநாயகனாக அறிமுகமான ‘யூத்’ திரைப்படம் பாக்ஸ் ஆபீஸில் மிகப்பெரிய வெற்றியைப் பெற்றுள்ளது. இப்படத்தில் இடம்பெற்ற “முட்ட கலக்கி” என்ற பாடல், இணையதளத்தில் வெளியாகி வெறும் 100 நாட்களில் 10 கோடிக்கும் அதிகமான பார்வைகளைக் கடந்து வரலாற்றுச் சாதனை படைத்துள்ளது. ஜி.வி. பிரகாஷ் இசையில் உருவான இந்தப் பாடல், அறிமுக நாயகனின் படமாக இருந்தாலும் முன்னணி நட்சத்திரங்களின் சாதனைகளையே முறியடித்துள்ளது. நடிகர், இயக்குனர் மற்றும் பாடலாசிரியர் எனப் பன்முகத் திறமையைக் காட்டிய கென் கருணாஸை இந்த வெற்றி தமிழ் சினிமாவின் தவிர்க்க முடியாத சக்தியாக மாற்றியுள்ளது.

வசூல் ரீதியாகவும் ‘யூத்’ திரைப்படம் சுமார் 70 கோடி ரூபாய் வரை ஈட்டி சாதனை படைத்துள்ளதாகக் கூறப்படுகிறது. ஒரு புதுமுக நடிகரின் படத்திற்கு இவ்வளவு பெரிய தொகையும், பாடல் ரீதியாகக் கிடைத்த அசுர வரவேற்பும் ஒட்டுமொத்தத் திரையுலகையும் ஆச்சரியப்பட வைத்துள்ளது. முன்னதாக அனிருத் மற்றும் ஹிப்ஹாப் ஆதி போன்றோர் ஏற்படுத்திய தாக்கத்தைப் போல, தற்போது கென் கருணாஸின் இந்தப் பாடல் இளைஞர்கள் மத்தியில் காட்டுத்தீயாகப் பரவியுள்ளது. ‘அலைகள் ஓய்வதில்லை’ படத்திற்குப் பின் ஒரு அறிமுக நடிகருக்குக் கிடைத்த மிகப்பெரிய அங்கீகாரமாக இது பார்க்கப்படுகிறது.