சினிமாவுக்கு முன்பே விளம்பர தூதராக என்ட்ரி: சென்னையைத் திரும்பிப் பார்க்க வைத்த ஜேசன் சஞ்சயின் புதிய அவதாரம்..!!

முதலமைச்சர் விஜய்யின் மகனும், வளர்ந்து வரும் திரைப்பட இயக்குநருமான ஜேசன் சஞ்சய், சென்னையைத் தலைமையிடமாகக் கொண்ட பிரபல சல்லானி ஜுவல்லரி மார்ட் நிறுவனத்தின் அதிகாரப்பூர்வ விளம்பரத் தூதராக இணைந்துள்ளார். இன்றைய இளைஞர்களைக் கவரும் வகையிலும், தங்களின் பிராண்ட் மதிப்பை இளைய தலைமுறையினரிடம் கொண்டு சேர்க்கும் நோக்கிலும் இந்நிறுவனம் இவரைத் தூதராக நியமித்துள்ளது. இதற்கான விளம்பரப் படப்பிடிப்பு சென்னையில் வெற்றிகரமாக நிறைவடைந்துள்ள நிலையில், விரைவில் சமூக வலைதள விளம்பரங்கள் மற்றும் வணிக ரீதியிலான விளம்பரங்களில் அவர் இடம்பெற உள்ளார்.

லைகா புரொடக்ஷன்ஸ் தயாரிப்பில் தனது முதல் திரைப்படத்தை இயக்கும் பணிகளில் தீவிரமாக ஈடுபட்டு, திரையுலகில் இயக்குநராகத் தடம் பதிக்க ஆர்வம் காட்டி வரும் ஜேசன் சஞ்சயின் இந்த புதிய முயற்சி, அவரது தொழில்முறை பயணத்தின் முக்கிய மைல்கல்லாகக் கருதப்படுகிறது. திரைப்பட இயக்கத்தோடு விளம்பரத் துறையிலும் அவர் கால்பதித்துள்ளது அவரது ரசிகர்கள் மற்றும் திரையுலகினர் மத்தியில் பெரும் எதிர்பார்ப்பையும் கவனத்தையும் ஈர்த்துள்ளது.