BIG NEWS: 2 திமுக MLA க்களிடம் ராஜினாமா பேரம்… பரபரப்பு புகார்..!!!

திமுகவைச் சேர்ந்த இரண்டு சட்டமன்ற உறுப்பினர்களிடம் ராஜினாமா செய்வதற்காகப் பேரம் பேசப்பட்டதாக ஒரு பரபரப்பான குற்றச்சாட்டு எழுந்துள்ளது. ஆளுநருடனான சந்திப்பிற்குப் பிறகு செய்தியாளர்களைச் சந்தித்த திமுகவின் மூத்த தலைவர் ஆர்.எஸ். பாரதி இந்த அதிர்ச்சி தகவலை வெளியிட்டுள்ளார். நாகர்கோவில் தொகுதி சட்டமன்ற உறுப்பினர் ஆஸ்டின் மற்றும் வேப்பனஹள்ளி தொகுதி சட்டமன்ற உறுப்பினர் சீனிவாசன் ஆகிய இருவரிடமே இந்த பேரம் நடத்தப்பட்டதாக அவர் குற்றம் சாட்டியுள்ளார்.

குறிப்பிட்ட அந்த இரண்டு திமுக சட்டமன்ற உறுப்பினர்களும் தங்கள் பதவியை ராஜினாமா செய்துவிட்டு, தமிழக வெற்றிக் கழகம் கட்சியில் இணைவதற்காக தலா ரூ.50 கோடி வரை பேரம் பேசப்பட்டுள்ளதாக ஆர்.எஸ். பாரதி தெரிவித்துள்ளார். மேலும், நாகர்கோவில் சட்டமன்ற உறுப்பினர் ஆஸ்டினுக்கு எதிர்காலத்தில் அமைச்சரவையில் இடம் அளிப்பதாக வாக்குறுதி அளிக்கப்பட்டதாகவும் அவர் ஒரு பகீர் தகவலைக் கிளப்பியுள்ளார். இந்த விவகாரம் தற்போதைய தமிழக அரசியல் களத்தில் பெரும் புயலைக் கிளப்பியுள்ளது.