காவ்யா மாறன் vs அனிருத்.. சொத்து மதிப்பில் யாரு கெத்து?.. தலைசுற்ற வைக்கும் கோடிகளின் ரகசியம்.. கசிந்த தகவல்..!!

இந்தியத் திரையுலகில் முன்னணி இசையமைப்பாளராக வலம் வரும் அனிருத் மற்றும் ஐபிஎல் அணியான சன்ரைசர்ஸ் ஐதராபாத் சிஇஓ காவ்யா மாறன் ஆகிய இருவருக்கும் திருமணம் நடக்கவிருப்பதாகச் சமூக வலைத்தளங்களில் பரவலான செய்திகள் உலா வருகின்றன. குறிப்பாக, வரும் நவம்பர் 12-ம் தேதி செஷல்ஸ் அல்லது ஸ்பெயின் போன்ற வெளிநாட்டுத் தலம் ஒன்றில் இவர்களது திருமணம் பிரம்மாண்டமாக நடைபெற உள்ளதாக ஊடகங்களில் தகவல்கள் வெளியாகிய வண்ணம் உள்ளன. சமீபத்தில் அனிருத்தின் மாமாவும், மூத்த நடிகருமான ஒய்.ஜி. மகேந்திரன் அளித்த பேட்டி ஒன்றில், இவர்களது திருமணம் உறுதியாக நடக்கப் போவதாகக் குறிப்பிட்டிருந்ததும் இந்த வதந்திகளுக்கு மேலும் வலு சேர்த்துள்ளது. இருப்பினும், கடந்த காலங்களில் அனிருத் இத்தகைய திருமணச் செய்திகளை வதந்தி என்று மறுத்திருந்த நிலையில், தற்போது பரவி வரும் இந்த புதிய தகவல் குறித்தும் இருதரப்பிலிருந்தும் இதுவரை எந்தவொரு அதிகாரப்பூர்வ அறிவிப்போ அல்லது அதிகாரப்பூர்வ விளக்கமோ அளிக்கப்படவில்லை என்பது குறிப்பிடத்தக்கது.

இந்தத் திருமணப் பேச்சுகளுக்கு மத்தியில், இவர்களது சொத்து மதிப்பு குறித்த விவரங்களும் இணையத்தில் வைரலாகி வருகின்றன. சினிமா வட்டாரத் தகவல்களின்படி, ரஜினி, விஜய் போன்ற முன்னணி நடிகர்களின் திரைப்படங்களுக்கு இசையமைத்து வரும் அனிருத்தின் சொத்து மதிப்பு சுமார் ரூ. 50 கோடி என மதிப்பிடப்பட்டுள்ளது. அதே நேரத்தில், சன் குரூப் தலைவர் கலாநிதி மாறனின் மகளும், சன் டிவி நெட்வொர்க்கின் செயல் இயக்குநருமான தொழிலதிபர் காவ்யா மாறனின் தனிப்பட்ட சொத்து மதிப்பு சுமார் ரூ. 400 முதல் 500 கோடி வரை இருக்கும் எனக் கணிக்கப்பட்டுள்ளது. ‘ஜனநாயகன்’, ‘ஜெயிலர் 2’, ‘டிசி’ உள்ளிட்ட பல படங்களுக்கு அனிருத் இசையமைத்து வரும் நிலையில், சன் பிக்சர்ஸ் நிறுவனத்துடனான அவரது தொழில்முறைத் தொடர்புகளே இந்த வதந்திகள் உருவாவதற்குக் காரணம் என்றும், இந்த சொத்து விவரங்கள் அனைத்தும் அதிகாரப்பூர்வமற்ற உத்தேசமானத் தகவல்களே என்றும் கூறப்படுகிறது.