“வெறும் ₹10 ஆயிரத்திற்காக” அரியானாவிலிருந்து மும்பைக்கு துப்பாக்கி சப்ளை செய்த 2 இளம் பெண்கள்.. டைகர் ஷெராஃப் தாக்குதல் வழக்கில் பரபரப்பு தகவல்கள்..!! – cinefeeds
Connect with us

LATEST NEWS

“வெறும் ₹10 ஆயிரத்திற்காக” அரியானாவிலிருந்து மும்பைக்கு துப்பாக்கி சப்ளை செய்த 2 இளம் பெண்கள்.. டைகர் ஷெராஃப் தாக்குதல் வழக்கில் பரபரப்பு தகவல்கள்..!!

Published

on

பிரபல பாலிவுட் நடிகர் டைகர் ஷெராஃப் மீதான தாக்குதல் வழக்கில் உத்தரப் பிரதேசத்தைச் சேர்ந்த இரு இளம் பெண்கள் போலீசாரால் கைது செய்யப்பட்டுள்ளனர். கைது செய்யப்பட்டவர்கள் அசம்கரைச் சேர்ந்த பபிதா மற்றும் சீதாபூரைச் சேர்ந்த ராதா என அடையாளம் காணப்பட்டுள்ளனர். சுமார் 22 முதல் 23 வயதுடைய இவ்விரு பெண்களும் அரியானா மாநிலம் பஹல்கரில் வாடகைக்கு வீடு எடுத்து ஒன்றாகத் தங்கி வந்துள்ளனர்.

கடந்த இரண்டு ஆண்டுகளுக்கு முன்பு அரியானாவின் சோனிபட்டுக்குச் சென்ற பபிதா, அங்குள்ள ஒரு நொறுக்குத்தீனி (Snack) தயாரிப்பு தொழிற்சாலையில் வேலை செய்வதாகத் தனது குடும்பத்தினரிடம் கூறி வந்துள்ளார். அதேபோல் ராதாவும் அரியானாவில் பணியாற்றி வந்துள்ளார். இந்த நிலையில், இவர்கள் இருவரும் அரியானாவில் இருந்து இரயில் மூலம் மும்பைக்கு வந்து, டைகர் ஷெராஃப் மீது துப்பாக்கிச் சூடு நடத்திய நபர்களிடம் பிஸ்டல் (Pistol) ரகத் துப்பாக்கியை வழங்கியதாகப் போலீசார் தெரிவித்துள்ளனர்.

Advertisement

இந்தத் துப்பாக்கியைக் கொண்டுதான் டைகர் ஷெராஃப் மீது தாக்குதல் நடத்தப்பட்டுள்ளது. இந்த ஆபத்தான கடத்தல் வேலைக்காக அந்தப் பெண்களுக்கு வெறும் 10,000 முதல் 12,000 ரூபாய் மட்டுமே கூலியாகக் கொடுக்கப்பட்டுள்ளது. இந்தத் தாக்குதல் வழக்குத் தொடர்பாக இதுவரை ரித்திக், ரெய்ஹான், பூல் சிங், குணால், சுமித், பபிதா மற்றும் ராதா ஆகிய 7 பேர் கைது செய்யப்பட்டுள்ளனர். இவர்கள் அனைவரும் உத்தரப் பிரதேசம், பீகார் மற்றும் அரியானா மாநிலங்களைச் சேர்ந்தவர்கள் ஆவர்.

Advertisement
Continue Reading
Advertisement

Copyright © 2023 www.cinefeeds.in