LATEST NEWS
“தற்குறி விஜய்க்கு என் நன்றிகள்” ஜாமீனில் வெளியே வந்ததும் முதல்வரை ஒருமையில் விமர்சித்த நாதக கார்த்திகா..!!
தமிழக வெற்றிக் கழக வேட்பாளருக்கு ஆதரவாக அக்கட்சியின் தலைவரும் முதலமைச்சருமான விஜய் தேர்தல் பிரச்சாரத்திற்கு வந்த போது, அவருக்கு எதிராக மறியலில் ஈடுபட்டதாக நாம் தமிழர் கட்சி வேட்பாளர் கார்த்திகா, அவரது கணவர் உள்பட 9 பேரை காவல் துறையினர் அதிரடியாகக் கைது செய்து சிறையில் அடைத்தனர். இந்தச் சம்பவம் அரசியல் வட்டாரத்தில் பெரும் பரபரப்பை ஏற்படுத்தியிருந்தது.
இந்நிலையில், சிறையில் அடைக்கப்பட்டிருந்த நாதக வேட்பாளர் கார்த்திகா மற்றும் அவரது ஆதரவாளர்கள் இன்று (அக்டோபர் 23) நீதிமன்ற ஜாமீனில் சிறையிலிருந்து வெளியே வந்தனர். ஜாமீனில் விடுதலையான அவர்களை நாம் தமிழர் கட்சியின் முக்கிய நிர்வாகிகள் மற்றும் தொண்டர்கள் மலர்மாலை அணிவித்து வரவேற்றனர்.
சிறையிலிருந்து வெளியே வந்த பிறகு செய்தியாளர்களைச் சந்தித்த நாதக வேட்பாளர் கார்த்திகா, தங்களைக் கைது செய்ததற்குத் தனது கடுமையான கண்டனங்களைப் பதிவு செய்தார். அப்போது அவர் பேசுகையில், “எங்கள் மீது பொய் வழக்குப்பதிவு செய்து, சிறையில் அடைத்த தற்குறி விஜய்க்கு என் நன்றிகள்” என்று முதலமைச்சரை மிகக் காரசாரமாக விமர்சித்ததுடன், தங்களைப் பேசவே விடக்கூடாது என்று நினைப்பது அப்பட்டமான ஜனநாயக விதிமீறல் என்றும் குற்றம் சாட்டினார்.
