திமுகவுக்கு விழுந்த பலத்த அடி..! முன்னாள் அமைச்சர் விஜயபாஸ்கர் போட்ட ‘ஸ்கெட்ச்’… தவெகவில் ஐக்கியமான திமுக முக்கிய நிர்வாகிகள்..!!

புதுக்கோட்டை மாவட்டத்தைச் சேர்ந்த திமுகவின் முக்கிய நிர்வாகிகள் தங்களது ஆதரவாளர்களுடன் தமிழக வெற்றிக் கழகத்தில் (தவெக) இணைந்துள்ளனர். இடைத்தேர்தலை எதிர்நோக்கியுள்ள விராலிமலை தொகுதிக்கு உட்பட்ட அன்னவாசல் திமுக நகரச் செயலாளர் முகமது ரிஷா மற்றும் புதுக்கோட்டை வடக்கு மாவட்ட மாணவர் அணி அமைப்பாளர் இளைய சூரியன் ஆகியோர் திமுகவிலிருந்து விலகி இந்த அதிரடி முடிவை எடுத்துள்ளனர். தவெகவின் பொதுச்செயலாளர் என். ஆனந்த் (புஸ்ஸி ஆனந்த்) முன்னிலையில் நடைபெற்ற அதிகாரப்பூர்வ நிகழ்வில் இவர்கள் தங்களை அக்கட்சியில் இணைத்துக் கொண்டனர்.

முன்னாள் அமைச்சர் சி. விஜயபாஸ்கர் ஏற்பாட்டின் பேரிலேயே இந்த அரசியல் மாற்றம் நிகழ்ந்ததாக அரசியல் வட்டாரங்களில் பரவலாகப் பேசப்படுகிறது. சட்டமன்றத் தொகுதிக்கு உட்பட்ட முக்கியப் பொறுப்புகளில் இருந்த நிர்வாகிகள், அடுத்தடுத்து ஆளுங்கட்சியான திமுகவிலிருந்து விலகி தவெகவில் இணைந்துள்ளது மாவட்ட அளவிலும் மாநில அளவிலும் திமுக தலைமைக்கு அதிர்ச்சியை ஏற்படுத்தியுள்ளதாகக் கூறப்படுகிறது. தேர்தலை எதிர்கொள்ளத் தயாராகி வரும் வேளையில், தவெகவின் இந்த உள்வாங்கல் புதுக்கோட்டை மாவட்ட அரசியலில் பெரும் பரபரப்பை ஏற்படுத்தியுள்ளது.