“அம்மா… எங்கே ஒளிந்திருக்கிறாய்..?” சவப்பெட்டியைச் சுற்றி வந்து தேடிய 3 வயது பிஞ்சு… நெட்டிசன்களை அழ வைத்த வீடியோ..!!

மலேசியாவில், புற்றுநோயுடன் நீண்ட காலம் போராடி உயிரிழந்த அஸ்வானி என்ற பள்ளி ஆசிரியரின் உடலருகே, தனது தாய் தன்னுடன்தான் கண்ணாமூச்சி விளையாடுகிறார் என்று நினைத்து அவரது சவப்பெட்டியைச் சுற்றிச் சுற்றி வந்த 3 வயது சிறுவன் அரசியின் நெஞ்சை உலுக்கும் காட்சி இணையவாசிகளின் கண்களைக் குளமாக்கியுள்ளது. அந்தப் பிஞ்சு குழந்தைக்குத் தன் தாய் தன்னை விட்டு நிரந்தரமாகப் பிரிந்துவிட்டார் என்ற கசப்பான நிஜம் புரியவில்லை. சவப்பெட்டியைச் சுற்றி வந்து, “அம்மா… எங்கே ஒளிந்திருக்கிறாய்? வெளியே வா” என்று அவன் மழலை மொழியில் கூப்பிட்ட காட்சி, அங்கிருந்த உறவினர்களையும் பார்ப்போரையும் உறைந்துபோகச் செய்துள்ளது.

புற்றுநோய் என்ற கொடிய அரக்கனுடன் பல ஆண்டுகள் போராடித் தோற்ற அந்தத் தாய், இறுதியாகத் தனது பிஞ்சு மகனைத் தவிக்கவிட்டு இவ்வுலகை விட்டுப் பிரிந்துள்ளார். அவரது மறைவுக்குப் பின்னால் இருக்கும் இந்தத் துயரமான பின்னணியும், தாயின் மரணம் அறியாமல் விளையாடும் குழந்தையின் அறியாமையும் தற்போதைய சமூக ஊடகங்களில் பெரும் சோக அலையை ஏற்படுத்தியுள்ளது. அந்தத் தாயின் ஆன்மா சாந்தியடையவும், தாயை இழந்து தவிக்கும் அந்தக் குழந்தைக்கு இந்தத் துயரத்தைத் தாங்கும் வலிமை கிடைக்க வேண்டும் என்றும் உலகெங்கிலும் உள்ள நெட்டிசன்கள் தங்களது இரங்கல்களையும் பிரார்த்தனைகளையும் தெரிவித்து வருகின்றனர்.