LATEST NEWS
“அய்யோ கதவ திறங்க…” அலறிய வேலைக்காரி.. கதவை திறந்ததும் கண்ட கொடூர காட்சி..! ஒரே வீட்டில் 3 பேர் தூக்கில் தொங்கிய சோகம்… பூட்டிய கதவுக்குள் நடந்தது என்ன..?!
குஜராத் மாநிலம் வதோதரா நகரில் உள்ள மாண்ட்வி பகுதியில் ஒரு அதிர்ச்சிகரமான சம்பவம் நடந்துள்ளது. அங்குள்ள மூன்று மாடி பங்களாவில் வசிக்கும் ஒரே குடும்பத்தைச் சேர்ந்த மூன்று பேர் தூக்கிட்டு தற்கொலை செய்து கொண்டனர். 50 வயதுடைய தாய் ஆர்திபென் சோனி, அவரது மூத்த மகன் நீலகாந்த் சோனி மற்றும் இளைய மகள் ஜாலக் சோனி ஆகியோர் உயிரிழந்தவர்களில் அடங்குவர். தகவல் அறிந்ததும் உடனடியாக சம்பவ இடத்திற்கு வந்த போலீசார், மூன்று பேரின் உடல்களையும் மீட்டுப் பிரேத பரிசோதனைக்கு அனுப்பி வைத்தனர்.
உயிரிழந்த ஆர்திபென் சோனியின் கணவர் சேத்தன்பாய் சோனி, கடந்த ஒரு வருடத்திற்கு முன்பு மாரடைப்பு காரணமாக காலமானார். கணவரின் மறைவுக்குப் பிறகு, குடும்பத்தின் மூன்று உறுப்பினர்களும் சேர்ந்து ஓல்ட் பாத்ரா சாலையில் உள்ள ‘ஜெப்ஸ் ஹெல்த் கேர்’ (Zeps Health Care) என்ற ஆயுர்வேத மருத்துவமனையின் நிர்வாகப் பொறுப்பைக் கவனித்து வந்தனர். இந்த மருத்துவமனையை சுமார் ஒன்றரை முதல் இரண்டு ஆண்டுகளுக்கு முன்பு சேத்தன்பாய் தனது வணிகக் கூட்டாளியுடன் சேர்ந்து தொடங்கினார். குடும்பத்துடன் நீண்டகாலமாகத் தொடர்பில் இருந்த வியாபாரி கேதன் ஷா கூறுகையில், மருத்துவமனையில் முதலீடு செய்தவர் அவர்தான் என்றாலும், தினசரி நிர்வாகக் கணக்குகளை ஆர்திபென்னும் அவரது குழந்தைகளும் பார்த்து வந்ததாகத் தெரிவித்தார்.
செவ்வாய்க்கிழமை மதியம் வீட்டு வேலைக்கு வந்த பணிப்பெண் கதவைத் தட்டியும் நீண்ட நேரம் யாரும் திறக்கவில்லை. இதனால் சந்தேகம் அடைந்த அவர், மருத்துவப் பங்குதாரரான கேதன் ஷாவிற்குத் தொலைபேசி மூலம் தகவல் தெரிவித்தார். கேதன் ஷா மாற்றுச் சாவியுடன் வந்து கதவைத் திறந்தபோது, வீட்டின் வெவ்வேறு பகுதிகளில் ஆர்திபென், நீலகண்டன் மற்றும் ஜாலக் ஆகியோரின் உடல்கள் தூக்கில் தொங்குவதைக் கண்டு அதிர்ச்சி அடைந்தார். இதுகுறித்து உடனடியாக போலீசாருக்குத் தகவல் கொடுக்கப்பட்டது. தற்போது போலீசார் விபத்து மரணம் என வழக்குப்பதிவு செய்துள்ளதுடன், தற்கொலைக்கான உண்மையான காரணத்தைக் கண்டறிய தீவிர விசாரணை நடத்தி வருகின்றனர்.
