“நீ ரொம்ப ஸ்லோ…” 2 மணி நேரத்தில் வேலையைவிட்டுத் தூக்கிய ஓனர்… முதல் நாளே புது ஊழியருக்கு நேர்ந்த அவமானம்… இணையத்தில் வெடிக்கும் சண்டை..!!

புதிய வேலைக்குச் செல்லும் உற்சாகத்துடன் முதல் நாள் சென்ற ஒரு வெய்டருக்கு நேர்ந்த சோகமான அனுபவம் இணையத்தில் பெரும் விவாதத்தை ஏற்படுத்தியுள்ளது. ரெட்டிட் தளத்தில் பகிரப்பட்ட இந்தச் செய்தியின்படி, ஒரு நபர் ரெஸ்டாரன்ட் ஒன்றில் வெய்டராக வேலைக்குச் சேர நேர்காணலில் பங்கேற்றார். அந்த நேர்காணலின் போது ரெஸ்டாரன்ட் உரிமையாளர் அவரைப் பாராட்டி, இந்த வேலைக்கு அவர் மிகச்சரியான நபர் என்றும் கூறினார். ஆனால், அவர் தனது முதல் ஷிப்ட்டிற்குச் சென்றபோது முற்றிலும் எதிர்பாராத அவமானம் காத்திருந்தது.

வேலை தொடங்கி வெறும் இரண்டு மணி நேரங்களே ஆகியிருந்த நிலையில், அந்த உரிமையாளர் புதிய ஊழியரை வேலை செய்ய மிகவும் மெதுவாக இருப்பதாகக் கூறி உடனடியாக வேலையைவிட்டு அனுப்பினார். வெறும் 120 நிமிடங்களில் ஒரு புதிய ஊழியரின் திறமையை எப்படி மதிப்பிட முடியும் என்று பலரும் அதிர்ச்சி அடைந்தனர். இந்தச் சம்பவத்தை அந்த நபர் ‘r/recruitinghell’ என்ற ரெட்டிட் பக்கத்தில் பகிர்ந்ததை அடுத்து, சமூக வலைதளங்களில் இது வைரலாகி கடுமையான விவாதத்திற்கு வழிவகுத்தது.

இந்தச் சம்பவத்தைக் கண்ட நெட்டிசன்கள் பலரும் தங்களது சொந்த மோசமான அனுபவங்களைப் பகிர்ந்து, முதலாளிகளின் இதுபோன்ற நியாயமற்ற முடிவுகளைக் கடுமையாக விமர்சித்தனர். புதிய ஊழியருக்குத் தவறுகளைச் சுட்டிக் காட்டி உதவிகரமாக இருக்க வேண்டிய உரிமையாளர்கள், குறுகிய நேரத்தில் எடுத்த இந்த முடிவு தவறானது என்று கருத்துத் தெரிவித்தனர். மேலும், இது போன்ற சோதனைக் கால நடைமுறைகள் புதிய ஊழியர்களை மன உளைச்சலுக்கு ஆளாக்குவதாகவும் பயனர்கள் வேதனை தெரிவித்தனர்.