“ரயில்வே தண்டவாளத்தில் பயங்கர குண்டுவெடிப்பு..” பாகிஸ்தான் உளவாளியின் உத்தரவால் நடந்த சதி… பெண் உட்பட இருவர் கைது.. அதிர்ச்சி பின்னணி..!!

ராஜஸ்தான் மாநிலம் ஸ்ரீ கங்காநகர் மாவட்டத்தில் உள்ள ரயில்வே தண்டவாளத்தில் நடத்தப்பட்ட குண்டுவெடிப்புச் சம்பவம் தொடர்பாக, பஞ்சாப் மாநிலம் குர்தாஸ்பூரைச் சேர்ந்த மகக்தீப் கவுர் மற்றும் தவிந்தர் சிங் ஆகிய இருவரைக் காவல்துறையினர் கைது செய்துள்ளனர். கைது செய்யப்பட்ட இவர்கள் இருவரும் பாகிஸ்தான் உளவாளி ஒருவருடன் தொடர்ந்து தொடர்பில் இருந்ததாகத் தகவல்கள் வெளியாகியுள்ளன. அந்தப் பாகிஸ்தான் உளவாளியின் உத்தரவின் பேரிலேயே, ஐ.இ.டி எனப்படும் சக்திவாய்ந்த வெடிகுண்டைப் பயன்படுத்தி ரயில்வே தண்டவாளத்தில் இவர்கள் குண்டுவெடிப்பை நிகழ்த்தியது விசாரணையில் தெரியவந்துள்ளது.

இச்சம்பவம் தொடர்பாக மேலும் மூன்று சந்தேக நபர்களைக் காவல்துறையினர் பிடித்துத் தீவிர விசாரணை நடத்தி வருகின்றனர். இதில் திடுக்கிடும் திருப்பமாக, குற்றவாளிகள் தங்கியிருந்த ஹோட்டலின் உரிமையாளரும் அவர்களுக்கு உடந்தையாகச் செயல்பட்டது கண்டறியப்பட்டு அவரும் சிக்கியுள்ளார். இந்தப் பயங்கரவாதச் சதித் திட்டத்தின் பின்னணி மற்றும் விசாரணை குறித்த முழுமையான விவரங்களை, ராஜஸ்தான் காவல்துறை மற்றும் பயங்கரவாத எதிர்ப்புப் படையினர் இன்று மதியம் 12 மணியளவில் செய்தியாளர் சந்திப்பில் வெளியிட உள்ளனர்.