LATEST NEWS
பெண்கள் குறித்துத் தவறான பேச்சு… “தவறு நிரூபிக்கப்பட்டால்” உதயநிதி மற்றும் கள்ளக்குறிச்சி எம்.எல்.ஏ குறித்து துரை வைகோ அதிரடி..!!
எதிர்க்கட்சித் தலைவர் உதயநிதி ஸ்டாலின் பலமுறை பொதுவெளியில் பெண்கள் குறித்துத் தவறாகப் பேசியதாலேயே விசாரணைக்காக அழைத்துச் செல்லப்பட்டதாகவும், அவர் கைது செய்யப்படவில்லை என்றும் மதிமுக எம்.பி. துரை வைகோ விளக்கமளித்துள்ளார். செய்தியாளர்களிடம் பேசிய அவர், சட்டப்படியான நடைமுறைகளின் அடிப்படையிலேயே இந்த விசாரணை முன்னெடுக்கப்பட்டுள்ளதாகத் தெரிவித்துள்ளார்.
தொடர்ந்து பேசிய துரை வைகோ, கள்ளக்குறிச்சி எம்.எல்.ஏ இந்த விவகாரத்தில் தான் எந்தத் தவறும் செய்யவில்லை எனக் கூறியுள்ளதைச் சுட்டிக்காட்டினார். மேலும், இது தொடர்பாக மாவட்ட ஆட்சியர் தரப்பிலிருந்தும் இதுவரை எந்தவொரு அதிகாரப்பூர்வ புகாரும் அளிக்கப்படவில்லை என்ற தகவலையும் அவர் குறிப்பிட்டுள்ளார்.
இருப்பினும், இந்த விவகாரத்தில் ஒருவேளை தவறு நடந்திருப்பது நிரூபிக்கப்பட்டால், சம்பந்தப்பட்டவர்கள் மீது எவ்வித பாரபட்சமுமின்றி உரிய சட்ட நடவடிக்கை எடுக்க வேண்டும் என துரை வைகோ வலியுறுத்தியுள்ளார். அவரது இந்தக் கருத்து தமிழக அரசியல் வட்டாரத்தில் புதிய விவாதங்களைத் தூண்டியுள்ளது.
