LATEST NEWS
“ஏற்கனவே திமுக – அதிமுகவுக்கு கள்ள உறவுனு சொல்றாங்க”… இப்ப இந்த படத்தை வெளியிடணுமா..? எடப்பாடி குறித்து நத்தம் விஸ்வநாதன் ஆவேசம்..!!
அதிமுக பொதுச்செயலாளர் எடப்பாடி பழனிசாமியும், திமுக தலைவர் மு.க. ஸ்டாலினும் ஒன்றாக இருக்கும் புகைப்படம் வெளியானது குறித்து முன்னாள் அமைச்சர் நத்தம் விஸ்வநாதன் பரபரப்புக் கருத்து தெரிவித்துள்ளார்.
சமூக வலைதளங்களிலும் ஊடகங்களிலும் வெளியாகியுள்ள அந்தப் புகைப்படம் குறித்துப் பேசிய நத்தம் விஸ்வநாதன், தற்போதைய அரசியல் சூழலில் இந்தப் படத்தை வெளியிட வேண்டிய அவசியம் என்ன என்று கேள்வி எழுப்பியுள்ளார். இது தொடர்பாக அவர் கூறுகையில், “இப்போது இந்தப் படத்தை வெளியிட வேண்டுமா? ஏற்கனவே திமுகவுக்கும் அதிமுகவுக்கும் இடையே கள்ள உறவு இருப்பதாகப் பலரும் விமர்சித்து வருகிறார்கள்” என்று தனது ஆதங்கத்தை வெளிப்படுத்தியுள்ளார்.
இரு தலைவர்களும் ஒன்றாக இருக்கும் இந்தப் புகைப்படம் பொதுமக்கள் மத்தியில் தவறான எண்ணத்தையும் குழப்பத்தையும் ஏற்படுத்தக்கூடும் என அவர் சுட்டிக்காட்டியுள்ளார். “இப்போது இந்தப் புகைப்படத்தைப் பார்த்தால் மக்கள் என்ன நினைப்பார்கள்?” என்றும் நத்தம் விஸ்வநாதன் கேள்வி எழுப்பியுள்ளார்.
